Lian Orluli– Primeiru Ministru RDTL Kay Rala Xanana Gusmao, Promete ba komunidade Postu Maubisse hafoin asina pedidu ne’ebé entrega husi Autoridade munisípiu Ainaro no Administrador Postu Administrativu Maubisse hamotuk ho Xefe Suku Maubisse Vila hodi hetan despaisu direta husi Primeiru Ministru kona ba Kontrusaun merkadu Maubisse
Liga ho kondisaun merkadu Maubisse ne’ebé lokaliza iha vila laran espasu klot inklui prejudika dalan Públiku nomos kondisaun merkadu nian ladún di’ak, lideransa favorito ne’e, promete direta ba komunidade no vendedores sira atu koopera nune’e bele hadia merkadu ne’e iha tempu besik
“Tempu besik sei hadia merkadu Maubisse, tamba ne’e husu ba komunidade sira atu bele koopera, ida nee laos duni, maibe husu atu koopera nune’e bele hadia merkadu tamba kondisaun ladun diak ona” Primeiru Ministru RDTL Hatete hafoin asina pedidu ne’ebé prepara husi Autoridade Munisípiu ho lideransa Suku Maubisse Vila,(15/03/25)
Entretantu Pedidu ne’e hato’o iha posto Turiscai, depois eventu emisaun ba lisensa prospesaun no peskiza ba minerais metalikus iha posto administrativo Turiscai Munisípiu Manufahi.
Hafoin hatoo pedidu husi autoridade posto Maubisse no Ainaro, Primeiro Ministru Kay Rala Xanana Gusmao ho komitiva fila husi Turiscai ba hare kedas kondisaun merkadu Maubisse nian
Lideransa Komunitáriu husi suku Maubisse kontenti tebes ho vijita Primeiru Ministru RDTL nian, tanba bele haree direta kondisaun merkadu refere no despaisu kedas pedidu ne’ebé prepara husi autoridade postu administrativu Maubisse
“Senti kontenti tebes, ida ne’e maka ami nia hakarak, Primeiru Ministru RDTL, bele mai direta hodi hare kondisaun merkadu nian,agrdese Iha biban ne’e Primeiru Ministru asina kedas pedidu ne’ebé ami hato’o” dehan Lideransa Komunitáriu Suku Maubisse Vila
Aleinde vizita, iha oportuniade nee, PM sosa dosi ho paun fahe ba komunidade no labarik kiik oan sira, antes fila ba Dili, PM sosa bola hodi fahe ba labarik kiik oan sira iha merkadu Maubisse
Jornalista: Sarah
Editor: Lian Orluli
