Lian Orluli — Servisu Tekniku Administrasaun Elitoral Munisípiu Ainaro(STAE-A ) produz eleitoral ho biometrika tarde, Diretór STAE Munisípiu Ainaro hateten problema ne’e husi liña Internet.
Acacio Pacheco husi postu Administrativu Hato-Udo hato’o la-mentasaun servisu tekniku Administrasaun Estatal ( STAE-A), Munisípiu Ainaro atraza bainhira produ eleitoral ho biometriku, hahu husi fulan Janeiru to Marsu ne’e sedauk iha rejultadu di’ak no prejudika tebes dokumentu sira bainhira atu aplika iha vaga servisu ruma
“Nu’udar joven ida la satisfas ho STAE-A Munisípiu Ainaro nia servisu sira, hakerek tiha iha karta resivo ne’e katak semana ida mai foti Kartaun, bainhira ami atu foti sira hatan seidauk, ida ne’e prejudika tebes ami bainhira iha oportunidade vaga ruma atu ba rai liur presiza Eleitoral ami tenki hein” Acasiu dehan
Nia hatutan bainhira STAE-A produz sei tarde presiza fo fila fali Eleitoral tuan ne’e ” Sei iha problema produz Eleitoral tarde hánesan ne’e, fo fila fali ami nia Eleitoral tuan nune’e ami bele lori trata ami nia dokumentu sira” hatutan Acasiu
Diritor STAE Munisípiu Ainaro Francisco Bianco, Hatan ba preokupasauan ne’e katak problema produz Eleitoral tarde tanba failla husi liña Internet no sei la’o tuir data entry tuir letra, no problema ne’e akontese iha Munisípiu hotu
“Husu ba públiku katak iha trezi Munisípiu ne’e hanesan de’it loron ida atende atus ida resin, dadus tama ba serve ne’e mak antrian barak liu atu prosesu Eleitoral ne’e keleur oituan,tamba dadus ne’e sei rai tuir nia abzat, por ezemplu A,B. Ita nia liña internet ne’e nia kapasitas ne’ebé mak kiik ho ida ne’e mak ita atu prosesas lalais ne’e seidauk no kleur to fulan ida ho balu ne’e,hahú atende husi fulan Outubru mai to Dezembru ne’e nia lalais de’it tamba ema mai oituan de’it la’ós hanesan husi fulan Janeiru ho fevereiru ne’e” Diretur Esplika (18/02/2025 )
Diretur ne’e rekomenda ba públiku sira atu pasiensia, tanba problema ne’e husi liña Internet no STAE-A tenta buka mekanismu hodi atende publiku ho lais, ESTAE sei fo fila kartaun tuan, bainhira Eleitoral ho biometriku produz ona sei entrega Eleitoral tuan ne’e ba ESTAE-A
“Husu ba públiku katak problema ne’e la’ós ita Munisípiu Ainaro de’it, Munisípiu hotu-hotu sempre akontese sobre kartaun ne’e, Iha fulan hahú husi fevereiru nia laran, agora dadaun ami iha mudansa kona-ba kartaun Eleitoral tuan ne’ebé mak ita bo’ot sira lori mai atu fo fila ba ita bo’ot sira rai,hodi trata ita bo’ot sira nia dukumentus ba iha ita bo’ot sira nia nesesidade lor-loron nian,ida Eleitoral foun ne’e ami sei prosesa fulan ida ou ho balu tan,ami print tia Eleitoral biometrika ne’e hotu ita bo’ot sira mai foti lori ho tuan ne’e mai intrega fila fali ba iha STAE-A” Nia Hakotu
Jornalista : Pedrolina Da Costa.
