Lian Orluli –– Xhefe Suku Suro-Craik hamotuk nia membrus tomak iha Suku ho hanoin rasik hodi hadia Estrada ne’ebé kotu iha aldeia Ria-mori,Suku Suru-Craik Postu Administrativu Ainaro,hodi hafasil komunidade sira asesu ba Sentru Saúde Ainaro vila, no merkadu ho transporte públiku bainhira iha tempu udan
Xhefe Suku Suro-Craik Ronaldo Soares, Hatete estrada refere kotu impaktu husi eruosaun iha 2023, tinan rua ona Komunidade sira lori produtu ba faan iha merkadu la’o ain de’it, nune’e mós labele asesu ba Sentru Saúde Ainaro, ho transporte públiku tanba estrada kotu, tanba ne’e ho inisiativa, voluntariu organija komunidade sira atreu rai ba estrada ne’e, nune’e labele prejudika komunidade sira nia viajen, bainhira asesu ba Ainaro vila ho transporte
“Komunidade husi suku Suro-Craik durante tinan rua liu ba balu la ba merkadu, tamba estrada ne’ebé kotu iha aldeia Ria-mori prezudika tebes komunidade sira labele asesu ho transporte públiku“
“Aleinde ne’e, bainhira inan isin rua sira atu partu no moras ruma abmolansia labele foti to iha uma, tanba impaktu husi estrada ne’e, tinan rua ona komunidade sira sofre hela ba estrada refere. Laos ne’e de’it, bainhira família ruma mate, Kareta funerariu sira labele tula to iha uma, tanba dalan nee kotu hela, entaun família tenki lori mate isin to estrada sorin hafoin kareta bele foti, akonte ida ne’e bainhira iha tempu udan no prejudika tebes Komunidade sira”, Lideransa Komunitáriu suku Suro-Craik Ronaldo dehan,( 22/03/2025 )
Sefe Suku Suro-Craik ne’e hatutan, Programa PNDS siklu ne’en loke estrada foun husi area Tanhouk ba de’it iha Aldeia Carlele, labele kobre to iha Suku laran, no estrada ne’ebé kotu iha fatin rua, ida iha Área Suku Soro no ida iha Suku Suro-Craik, Aldeia Ria-mori nian, durante ne’e estrada rua refere prezudika tebes Komunidade suku Suro-Craik
“Estrada liga suku Suro-Craik ne’e kotu iha fatin rua, ida iha Suku Soro no ida iha Área No-ulu, Ria-mori nian. iha Suku Soro ne’e komunidade Soro ho voluntariu nahe de’it ho ai-kabelak, satan ho ai-rin, entaun iha Ria-mori ne’e, rai halai no kotu sai tia mota oan ida, komunidade labele asesu ho transporte ho di’ak, bainhira tempu udan bele fo tebes amesa ba vida,inklui amesa komunidade nia uma kain tolu nomos iha uma Lisan ida, ida ne’e impaktu husi eruosaun no rai ne’e nakfera to ona iha uma nia tatis,” Sefe Suku Suro-Craik Ronaldo, hatete
Lideransa Komunitáriu ne’e rekomenda ba ukun nain sira, tau matan hela ba estrada rua ne’ebé kotu liga suku Suro-Craik, ho emerjensia nune’e bele hafasil komunidade sira bainhira lori produtu ruma asesu ba merkadu iha Munisípiu Ainaro, inklui asesu ba Hospital Sentru Saúde bainhira hetan moras Emerjensia
Jornalista : Pedrolina Da Costa.
Editor: Lian Orluli
