Lian Orluli — (27/04/2025), Kuarta kalan ne’e, deskomfia Grupu deskoñesido balun asalatu inan faluk Madalena nia uma inklui estragus fasilidade negósiu nian iha area, Ponte Mau-mali Baliza entre suku Soro, Manutaci no Ainaro, postu administrativu Ainaro, akontese ne’e iha oras 01:15 kalan, oras Timor-Leste
Husi asidente ne’e Faluk Madalena ho oan kiak nain tolu husu tulun ba parte Siguransa PNTL ajuda identifika ema ne’ebe organija grupu refere hodi prosesu tuir lei
“Ha’u inan faluk ida ho oan nain tolu, maka hela iha ne’e,no ha’u rasik la hatene mutivu husi akontesementu ne’e, ho derepenti rona tiru sanapan lian dala hat(4), no hakilar dehan sai-sai, la kleur fatuk rajada iha uma kakuluk no vidru odamatan janela inklui fasilidade negósiu nian rahun hotu”, Haktuir faluk Madalena iha nia rejidenasia ne’ebé estragus ba
Inan faluk Madalena hatete ho laran moras ” Ha’u faluk ida ho Kiak nain tolu, fatin ne’e harahun ha’u atu ba hamahon iha ne’ebé, tanba ne’e presija tulun no apoiu husi Autoridade seguransa hodi buka ida organiza grupu mai harahun hotu ha’u nia uma, sasán uma laran ne’e”,dehan inan faluk Madalena
Xefe investigasaun sargentu xefe Armindo do Rosario esplika, iha akontesementu ne’e polísia halo kedas atuasaun identifika laiha kanek ka mate
“Depois akontesementu iha ne’e iha meianoite kalan, polísia simu Informasaun no halo kedas atusaun, husi akontesementu ne’e la rejulta ema kanek no mate, maibé fasilidade negósiu nian maka rahun totál”, komfirma komandante investigasaun Armindo
Fasilidade negósiu nian ne’ebé estragus maka bikan atus ida resin, kadeira hat nulu resini,meza inklui kareta rua no uma ida. Husi akontesementu ne’e Rejulta uma rua no kareta rua
Jornalista: Luciana Reis
Editor: Lian Orluli
