Lian Orluli— Prosesu implementasaun Projetu Programa Nasional Dezenvolvimentu Suku (PNDS) 2025 Munisípiu Ainaro, iha ona faze aprovajionamentu
“Programa agora tama ona iha aprovizionamentu ne’ebé fahe ba etapa sira maka hanesan prosesu planeamentu, fahe informasaun,maka ita liu ona ho sosialijasaun, rejistu fornesedor hodi fo oportunidade ba empreza lokal sira hodi hahú rejistu”, Diretór PNDS Munisipu Ainaro, João Paulo De B.C.e.C. Araújo esplika ba jornalista Lian Orluli iha nia knar fatin , loron 9 fulan Juñu 2025
Diretór João Paulo De B.C.e.C. Araújo hatutan, ezekusaun servisu PNDS hahú ona iha programa prosesu konstrusaun, projetu ne’e sei hahú iha fulan Juñu loron 16 tinan ne’e
“Agora ami tama ona iha etapa aproviszonamentu ba konstrusaun ne’e nian, hahú iha loron 16 fulan Juñu no sei implementa iha postu ha’at, no projetu ne sei lao tuir suku 21” Hateten Direur PNDS.
Direjenti ne’e esplika katak hafoin halo rejistu ,kontinua verifikka dokumentus ba empreza lokál ne’ebe submete sira nian dokumentus sei halo enkontru kandidatu fornesedor hodi submete pedidu kuotasaun ba empreza lokál sira iha postu no suku.
Programa ne’ebé sei implementa maka, programa Agrikultura no Peskas iha rua (2) konstruksaun mini merkadu no kolam ikan (sigla indonesia), konstruksaun Estrada rural inklui ho valeta iha sanulu resin ualu (18), no konstruksaun be’e mos ida (1).
“Husi Programa ne’e kada Suku ida Programa ida ho totál Programa hamutuk 21. Iha Postu Administrativu Ainaro iha programa tolu(3) maka programa Agrikultura iha rua (2) no programa Konstruksaun estrada rural iha lima (5). Agrikultura peskas ho orsamentu $29,130.74, ba konstruksaun mini merkado, no konstruksaun kolam ikan ida(1) (sigla indonesia) ho orsamentu $26,217.67, inklui konstruksaun estrada rural, ho valeta iha lima (5) ho total orsamentu $128,175.26. Postu Admnistrativu Maubisse iha programa sia (9),maka konstruksaun estrada rural ho valeta, ho orsamentu $285,481.26. Postu administrativu Hato-buliko, programa iha tolu (3), maka konstruksaun estrada rural no valeta ho orsamentu $90,305.29. Postu administrativu Hato-udo iha rua (2),maka programa konstruksuan estrada rural no valeta ho orsamentu $34,956.89, inklui konstruksaun be’e mos ho total orsamentu $34,956.89”. Esplika Direktor PNDS Ainaro João Paulo iha nia knar fatin.
Programa PNDS tinan 2025 ba suku 21 Total orsamentu $ 629,224.00, sei implementa projetu iha suku ida programa ida.
Entretantu husi ekipa tékniku PNDS nian hahu ona halo aprovizonamentu hodi hahu ona prosesu konstruksaun.
Jornalista: Lucya/Ijaura/Rejina
Editor : Lian Orluli
