Lian Orluli – Selebarsaun loron Mundial OSEANU ho tema “Hau Nia tasi Hau Nia Timor” priense ho aktividade dezeina,dansa kultura no halo limpeza iha jardin Ainaro inklu halo limpeza iha tasi ibun Wekatar iha postu administrativu Hato-udo.
Aktividades komemora Loron OSEANU nee priense mos ho dezeinha tasi ho animal tasi sira iha moru, no kompetisaun dezeina ambiente tasi no ai- horis tasi nian inklui moo animal tasi, husi estudante EBC presekundaria, no sekundaria públiku, no eskola presekundaria katóliku, organiza husi ministerio edukasaun munisipal, durante loron lima, hala’o iha resintu jardim Ainaro vila
Husi aktividade ne’e prezidente autoridade munispiu Ainaro ho ekipa juri halo avaliasaun hodi fo premiu ba kompetetor sira ne’ebe okupa primeiru lugar to kintu lugar
Iha aktividade ne’e prezidente autoridade municipiu Áinaro agradese ba estudante sira partisipa ona iha aktividae selebrasaun loron OSEANU Mundialne’ebé komemora iha munisípiu Ainaro
“Selebrasaun Loron OSEANU ne’e hodi fo hanoin ba Ita hotu oinsá atu koidadu ita nia ambiente tasi ho mos, nune’e prevene husi risku foer nian atu la bele fo impakto to Ita nia tasi presija halo limpeza ba ita nia rain koidadu ita nia ambiente tasi. nune’e mos atu hatete tan liu husi gabinete primeiru ministru nian fo hanoin ba Ita atu nafátin halo limpeza hodi koidadu ita nia ambiente”, PAM hato’o iha enseramentu selebrasaun loron OSEANU
Entertantu iha aktividae enseramentu nee priense ho kompetisaun dansa kultura husi eskola, Kuatru Montaines, okupa primeiru lugar, eskola sekundária jerál Kaffe Ainaro okupa segundu lugar, eskola EBC Lemus Pereira Soro okupa terseiru lugar, eskola Venânciu Veras okupa kuatru lugar, no kintu lugar husi eskola Terseiru Siklu Kafe.
Husi aktividade dezeinha iha rua mak sekundaria jerál kompete dezeina iha moru, ho surat iha tahan husi eskola terseiru siklu.
Iha Dezeinha ne’e eskola sekundaria jeral Kaffe, okupa primeiru lugar kompetisaun dezeinha ambiente tasi iha moru no okupa segundu no terseiru husi eskola terseiru siklu venânciu veras no Kaffe.
Aktividades refere hala’o durante loron lima iha resintu jardim Ainaro vila.
Jornalista: Odelia de A. Orleans
Editor : Lian Orluli
