Lian Orluli — Koordenador Programa Transasaun Agua, Programa Sobrerania Ai-han (PTAPSA) Prematil, Rosantino Amaral husu ba Autoridade Munisípiu Ainaro atu konsidera Sosiedade sivil iha enkontru ejekusaun Orsamentu Munisipál, tan-ba iha mós programa atinjimentu no atividade sira ne’ebé implementa ona iha Aldeia no Suku Sira.
“Hakarak husu ba Prezidente Autoridade Munisípiu Ainaro, atu konsidera mós ami Sosialdade sivil, iha enkontru Kona-ba ejekusaun Orsamentu Autoridade Munisípiu Ainaro nian, nune’e ami mós bele aprejenta relatoriu atinjimentu atividade ami nian ne’ebé implementa ona iha Aldeia no Suku sira”. Koordenador Programa Transasaun Agua Programa Sobrerania Ai-han (PTAPSA) Prematil, Rosantino Amaral, rekomenda (3/07/2025)
Iha enkontru ne’e, reprezenta Sosiedade sivil munisípiu Ainaro Rosantino Amaral, agradese ba Autoridade Munisipio Ainaro, tan-ba realiza enkontru ho sosiedade Sivil sira, nune’e bele aprejenta atinjimentu atividade ne’ebe mak durante ne’e implementa husi parseiro dezenvolvimento nasionál no internasionál iha Munisipio Ainaro
“Realiza enkontru ida ne’e,fo tebes tempu mai ami Parseiro Dezenvolvimento, hodi halo aprejentasaun kona-ba atividade ne’ebé mak durante ne’e hala’o ou implementa ona iha Aldeia, Suku nó mós postu Administrativu sira, ami agrdese tebes”, Rosantino dehan
Diretor ONG Munisípiu Ainaro hatutan tuir Dekreito Lei 84, artigo 18°, Diploma Ministerial fo biban ba Autoridade Munisipio Ainaro hodi hala’o enkontru ho Sosialdade sivil nune’e hodi relata relatório ba Autoridade Munisípio.
” Tuir Dekreito Lei 84 artigo 18 °Diploma Ministérial fo biban ba Autoridade Munisípiu hodi realiza enkontru ho Sosiadade sivil, ne’ebe maka implementa sira nia atividade iha Munisipio Ainaro, núne’e bele halo aprejentasaun kona-ba atinjimentu metas, nó difikuldade ne’ebe maka sira hasoru iha baze. Núne’e Prezidente Autoridade bele foti solusaun ba dificuldade sira nee. Núne’e mós, sira nia relatório sei submete ba diresaun Planeamento hodi akumula ho Autoridade Munisipio nian, hodi submete ba Ministério Administração Estatal”.hateten Diretor ONG.
Entertantu Organização Não Governamental (ONG), hala’o enkontru ho Parseiro Dezenvolvimento Nasionál no Internasionál hodi halo apresentação kona-ba Relatório Atinjimentu Atividade iha Salaun Autoridade Munisípiu.
Enkuantu atividade ne’e abertura husi Prezidente Autoridade Munisipio Ainaro. Nó Marka prejensa husi Diretor ONG, Chefi Departamento Agricultura Município Ainaro, Chefi Departamento Segurança Alimentar, Representante Diretor Servisu Munisipal Saúde, Koordenador Parseiro Dezenvolvimento Nasionál no Internasionál Sira iha Munisipio Ainaro.
Jornalista : Sara Lewis/ Elizita da Costa
Editor: Lian Orluli
