Lian Orluli, 8 Setembru 2025 – Ajénsia Jestaun Água no Eletrisidade (BTL.EP) hatama multa $24.711,50 ba kofre estadu, ne’ebé rekolla husi utilizasaun kontadór bee hamutuk 900 iha sidade kapitál Ainaro.
Koordenadór BTL.EP, Germano de Araujo, esplika katak montante ne’e rekolla husi konsumidór sira ne’ebé uza kontadór bee nian hahú husi Janeiru to’o Agostu 2025.
“Iha fulan ualu nia laran BTL rekolla ona multa hamutuk dolar rihun ruanulu resin haat atus hitu sanulu resin ida sentavus lima nulu,” afirma Germano.
Nia hatutan, oras ne’e daudaun, kontadór bee-moos hamutuk 919 monta ona iha Munisípiu Ainaro, ho rede nia naruk metru 900.19.
“Iha Ainaro, monta ona kontadór bee nian hamutuk 919. Serbisu BTL iha área urbana no kapitál sei la’o hela. Entretantu, postu Maubisse besik hotu ona,” nia esplika.
Etapa ida ne’e hanesan parte ida husi BTL.EP nia esforsu atu hadi’a kumprimentu ba pagamentu bee moos no hasa’e reseita estadu nian.
Jornalista: Carla/Delia
