Lian-Orluli, 16 Setembru 2025 – Ekipa Programa Nasionál ba Dezenvolvimentu Suku (PNDS) halo sertifikasaun ikus ba dokumentus Konstrusaun iha Suko Soro, nune’e prepara ba enkontru ikus hodi fo sai orsamentu ne’ebé gastus.
Diretór PNDS, João Paulo De B.C.e C. Araujo, hatete Ekipa nia prezensa ho objetivu atu asegura projetu ne’e la’o tuir dalan loos no atu haree fila fali realizasaun sira no dezafiu sira ne’ebé hasoru iha kampu.
“Ekipa sira ba halo sertifikasaun ikus ba Dokumentus inklui Konstrusaun,preparasaun ba enkontru finál, hodi submete relatóriu ida ne’ebé loos prepara dokumentu ikus ba konstrusaun nune’e prepara ba enkontru ikus“, hatete hosi João Paulo iha knaar fatin
Revizaun diretamente ba implementasaun projetu rutina ba tinan 2025. Atividade ne’e nu’udar parte ida husi preparasaun ba enkontru avaliasaun finál no sei aprejenta orsamentu ne’ebé gastus ba programa dezenvolvimentu ne’ebé la’o ona durante tinan tomak iha suku Soro
“Aleinde ne’e, ekipa sei prepara Informasaun, hodi fo sai ba komunidade kona-ba gastus orsamentu ba Konstrusaun nian” Diretor ne’e dehan
projetu coor estrda rabat betaun hahu fulan junu termina iha fulan setembru tinan ne’e ho orsamentu infrastruktura $23,158.94 no orsamnetu operasional $3,058.73
Ekipa PNDS mós halo interasaun ho komunidade sira hodi hetan feedback direta kona-ba projetu nia benefísiu no garante sira-nia esperansa ba futuru.
PNDS Munisípiu Ainaro espera bele konklui programa ne’e iha tinan 2025 ho rezultadu másimu no hametin kompromisu ba dezenvolvimentu sustentável iha nivel Munisípiu ho aldeia.
Jornalista : Pedrolina Da Costa
Editor : Clementina Fatima
