Lian Orluli — Husi Timor-Leste to’o Portugal, Rivaldo Calado harii kareira ne’ebé marka ho dedikasaun, talentu, no ambisaun. Entre gastronomia no moda, joven timoroan destaka hanesan ezemplu perseveransa no realizasaun internasionál.
Rivaldo Calado moris iha Timor-Leste iha loron 26 fulan Juñu tinan 2001. Husi idade ki’ik, nia hatudu ninia hakarak maka’as atu aprende no buras nia talent sira, tantu pesoál no profisionál. Ninia kareira akadémika hahú iha Eskola Ospitalidade no Turizmu Becora (EHT), iha ne’ebé nia remata eskola sekundária no hahú harii futuru ida ne’ebé liga ba setór ospitalidade no gastronomia.
Hafoin gradua, mosu oportunidade desizivu ida iha nia moris: tama iha programa PRO-EMA. Durante tinan ida, Rivaldo tuir kursu vokasionál ne’ebé loke orizonte foun ba nia no loke dalan ba mudansa transformadora. Iha 2021, nia deside atu sai ba Portugal hodi buka oportunidade no esperiénsia foun sira.
“Ha’u espesializa iha Arte Kulinária, Pastelaria, iha Nutrisaun, Iha ne’ebé ha’u moris iha Paixaun loloos iha dapur” Dehan Rivaldo.
Nunka halo viajen iha limite sira, ninia gastronomia nian. Paralelu ho nia profisaun, Rivaldo deskobre oinsá kria empreza ida iha nia mundu rasik moda nian. Iha tinan 2025,
“ Ha’u iha konvite espesiál ida husi estelista mana Maria lita/ Lytha Gallery designer Timor oan ida ne’ebe mak Konvida hau hodi usa nia obra ou roupa reprezenta ha’u iha Semana Moda CPLP nian iha Portugál” Rivaldo Hatutan.
Partisipasaun iha significakadu istóriku no emosionál: Ri valdo sai hanesan timoroan ida ne’ebé partisipa iha eventu moda importante ida-ne’e iha Portugál. Agora daudaun, nia kolaborasaun ona ho grupu durante tinan rua, agora ida ne’ebé nia deskreve ho orgullu boot.
Maski nia prominénsia ne’ebé buras iha moda, Rivaldo nafatin metin iha saida maka nia konsidera nia vokasaun loloos: gastronomia. Ba nia, moda reprezenta oportunidade ida atu esplora orizonte foun sira, halo balansu ba interese sira, no enrikese nia esperiénsia pesoál, lahó lakon nia objetivu moris nian ne’ebé boot — atu sai profisionál prinsipál iha mundu arte kulinária nian.
Ho determinasaun, haraik-an, no talentu, Rivaldo Calado kontinua estabelese nia-an nu’udar joven timoroan ida ne’ebé lori nia rain nia naran hale’u nia fronteira, inspira joven sira seluk atu fiar iha sira nia mehi.
Ekipa Redasaun
