Lian Orluli- 01-08-2022- Komuniade Aldeia Maulahulu no Aldeia Manumera Suku Mulo Postu Administratvu Hatobuilico Munisipiu Ainaro tinan 20 ona la aessu Ba eletrisidade no Estrda
Abitante Amelia da Silva haktuir durante ne’e sira uza deit solár panel hodi halakan iha tempu kalan Sidadaun seluk uza de’it lampiaun hodi sunu iha tempu kalan
Tamba ne’e komunidade husu ba governu atu bele dada eletrisidade ba sira bele asesu mós hanesan Suku sira seluk ne’ebé ahi lakan ona.
“Ami husi Postu Administrativu Hato-Bilico, ami suspeira los mak ami nia estrada ho ahi laiha, durante tinan hira nia laran, ida mai promete hela mai dehan mai atu dada eletridade maibé to’o ohin loron la realiza.Imi nai ulun sira mai bolu ami hanesan manu loke ibun, hanesan manu inan manu aman haksoit ba ne’ebá, dala ruma ami halerik maromak mós tanis”. esplika abitatante Amelia da Silva, ba jornalista sira iha Maulahulu iha semana ne’e.
Iha parte seluk Xefe Aldeia Manmera Afonso Verdial sente triste tebes haree komunidade sira iha Suku seluk asesu ba eletrisidade maibé iha nia Aldeia komunidade moris de’it iha nakukun
Alende ne’e la asesu ba estrada di’ak maske iha Aldeia Manmera potensia ba seitor Agrikultura
“Durante ukun a’an ha’u Xefe Aldeia to’o agora falta ahi no mós estrada no eletrisidade mós laiha, agora. Tamba ne’e mak ami suzere de’it ba Governu atu tau matan ba ami nia Aldeia Manumera, dada eletrisidade no hadia estrada”, Afonso Verdial
Enkuantu totál populasaun iha Aldeia Manmera no Maulah Ulu hamutuk atus lima ho uma kain atus ida, maka durante ne’e la asesu eletrisidade durante tina 20.
Editor: Lian Orluli
