Lian orluli-3-08-2022- Farnsico Guterres komunidade husi suku Lau-hili postu Administrativu Hato-builico Munisipio Ainaro husu guvernu hatur dejemvolvimentu iha baze tau preoridade liu ba estrada.
“Ha’u nia rekomenda, ba Estadu,tamba dalan ida ne,e atu ba ita nia foho Ramelau sei liu husi dalan ida ne’e tamba ne’e Estadu iha hanoin no iha fuan atu tau preioridade hadia dalan ida diak para ema hotu atu ba iha Ramelau, mais dala ruma iha ne’e ita koalia hela mos estadu ne’ e ladun foti disijaun,kona ba estrada tamba ne’e mak ami ejiji ba guvernu hadia estrda ne’e ”. dehan abitante Aldeia Lauheli Francisco Guterres Benevides, iha loron Domingu (31-07-2022) iha Postu Administrátivu Hato-Builico bahira halao nia viajen la’o Ain husi postu ba Ainaro.
Iha sorin seluk, Xefe Aldei Lakiku postu Administrativu Hato-Builiko, Albino Pereira, akresenta preokupasaun, Hato-builiko poténsia iha setor agrikultura, maibe’e difísil atu komunidade agrikultor transporta produtu lokal ba munisipiu Ainaro no ba Dili, tanba kondisaun estrada at kuaze distância kilu-metru 15 hahu Husi Fleixa too postu Hato-builiku-villa.
Lider komunitario ne’e hateten populasaun sira la ezije hahán ba governu, maibé sira Husu de’it ba governo hadiah estrada atu fasilita agrikultor sira nia moris loro-loron
.
“Ha’u hanoin ami iha postu ida ne’e preokupa liu-liu ba estrada, ami durante ida ne’e povu halerik liu ba estrada hahu husi primeru governu, povu ijize hela de’it mak estrada, maibe to’o VII Governu mós povu ne’e halerik hela de’it ba estrada, nafatin to’o agora Estadu nunka realiza, tamba ne’e mak durante ne’e ami husu ba Governo tengki responde ona promesa sira tamba durante ne’e governu mai promote hela hahu husi fulan Maiu, halo sosializsasun fo hatene fulan Juni hotu, to agora sedauk iha informasaun ”. dehan Lider Komunitario Albino Pereira.
Iha Fatin hanesan Teresa Mendonça de Araújo reprezentante estudante Hato-builico senti triste tanba tinan barak ona la aeseu ba estrada, estudante ne’e husu ba governo atu hadia estrada Hato-builico nune bele fasilita estudante sira nia movimento bainhira feriadu ruma sira bele viajen Dili Hatobuilico.
Hatan ba preukupasaun populasaun sira ha postu ne’e, administradór postu administrativu Hato-Builiku, Bento Alves, reposta ekipa Ministériu Obras Públika (MOP) halo ona enkontru ho autoridade postu no autoridade lokál ho veteranus iha Postu Hato-builiku iha semana kotuk, tuir planu iha fulan Marsu tinan 2023 governu sei konstrui ona estrada husi Fleixa mai Hato-builico-villa ho distánsia kilu-metru 18, maibé Administradór Postu Hatobuilico ne’e hakarak kompania Internasionál mak kaer obra ne’e.
Entretantu, tuir sensus uma kain iha 2010 total populasaun 11.950, postu refere ho nia largura 20.29,88 kilo-metru kuadradu kompostu husi Suku Nunumoge, Mulo no Mauxiga, durante ne’e infreta hela estrada liga ba postu kondisaun la diak
Editor : Lian Orluli
