Ainaro Lian Orluli- 17-08-2022-Iha Kuarta Feira Ne’e Administradór Munisípiu Ainaro Leovegildo Amaral Pereira Akompaña Diretór Unidade Administrasaun programa nasionál Dezenvolvimentu Suku (PNDS) Nasional Bartolomeu Dias Tilman inagura Sede Suku Foho Ailiko Postu administrativu Hato-Udo
Ba jornalista Lian Orluli Administradór Munisípiu Ainaro Leovegildo Amaral Pereira husu ba komunidade atu kuida edeifisiu refere tamba sede suku ne’e ba ema hotu nia uma bainhira atu trata dokumentu ruma tenki mai fatin refere
“ Husu ba komunidade iha ne’e atu kuida edeifisiu refere tamba sede suku ne’e ba ema hotu nia uma bainhira atu trata dokumentu ruma tenki mai fatin refere tamba ne’e husu atu komunidade sira tenki fo kontribuisaun hodi kuida patremonia estadu nian”. Dehan Administrdaor munisípiu Ainaro Leovegildo Amaral Pereira
Iha Fatin Hanesan Ditetór Unidade Administrasaun PNDS Nasional Bartolomeu Dias Tilman hateten rehabilitasaun Sede suku Foho Ailiko Uza orsamentu tinan rihun rua rua nulu resin rua nian ho montante dolar rihun haat
“Total orsamentu ba rehabilitasaun Sede suku Foho Ailiko Uza orsamentu tinan rihun rua rua nulu resin rua nian ho montante dolar rihun haat”. Hatutan diretór administrasaun PNDS Nasionál Bartolomeu Dias Tilman
Iha fatin hanesan Administradór Postu Administrativu Hato-Udo Rogério Da Costa hateten ho inagurarasin edeifisiu ne’e hahú ohin ba oin aktvidade iha iha edefisiu suku tenki la’o normal fali.
Enkuantu Sede Suku Foho-Ailico hahú rehabilitasaun iha fulan setembru tinan 2021 maibé tamba covid-19 invade nasaun tomak inklui timor leste ikus mai obra rehabilitasaun sede suku ne’e foin finalza iha fulan maiu tinan ne’e
No Suku Foho-Ailico Kompostu Husi Aldeia Ailora Baha Ainaro Kiik Lebu- Mera Lesu Raimerlau ho totál populasaun hamutuk rihun haat atus sia neen nulu resin tolu no uma kain rihun ida atus rua lima nulu ne’ebé mak sai nain ba sede suku inklui autoridade lokal suku no Aldeia sira
Enkuantu uma refere ho medida kinze vezes seis kuadradu Edifisiu ne’e iha sala servisu tolu no sala enkontru ida
Marka prezensa iha seremonia inagurasaun sede Suku Foho- Ailico hetan partisipasaun husi komandante PNTL munisípiu Ainaro superintendente Justino Menezes Engeneru sira husi R4D husi parseiru Governu Ministériu Obras Públika komunidade
Editor: Lian orluli
