Ainaro lian orluli-18-08-2022-Kondisaun Estrada Iha Aldeia Aitutu Suku Mulo Postu Administrativo Hatobuilico iha kondisaun grave
Maske Aldeia Aitutu kraik Suku Mulo Hato-Builico potensial ba seitor agrikula hanesan kafé koto modo no produtu seluk tan maibe komunidade difisil asesu ba transporte hodi transporta sira nia produtu ba merkadu kapital ainaro no ba maubesi tamba la’o dook ho distansia besik kilo metru lima ne’ebé mak sa’e fo no tuun foho
Abitante Nofiana Da Costa Sarmento husu ba governu atu hadia estrada aldeia refere atu nune’e sira bele asesu ba merkadu no inan rua sira bele ba asesu transporte husi aldeia aitutu ba hospital referensia maubese bainhira atu partu ruma.
“Husu ba governu atu hadia estrada atu nune’e ami bele asesu ba merkadu no liu-liu ba ami inan rua sira bele ba asesu transporte husi aldeia aitutu ba Hospital Referal Maubese bainhira atu partu”.halerik Nofiana ba jornalista Lian Orluli iha nia rejidensia
Abitante luciana de jesus hateten bainhira ba merkadu tula de’it produtu sira iha kuda hafoin too iha estrada boot hafoin asesu ba transporte hanesan anguna hodi ba ainaro no ba maubese hodi hala’o aktvidade negosiu
“Bainhira atu ba merkadu tula de’it produtu sira iha kuda hafoin too iha estrada boot hafoin asesu ba transporte hanesan anguna hodi ba Ainaro no ba Maubese hodi bele fan ami nia sasan produto Lokal sira iha merkado”.Hatutan Luciana
Xefe do suku Mulo josé florindo andrade hateten antes ne’e ministériu obras públika mós obseva ona estrada aldeia aitutu ne’e promete atu hadia maibé too agora seidauk realiza
“Antes ne’e Ministériu Obras Públika mós observa ona estrada aldeia Aitutu ne’e promete atu hadia maibé too agora seidauk realiza, tamba ne’e hau husu ba governu realija lai promesa sira”. Dehan xefi suku Mulo José Florindo Andrade
Enkuantu totál populasaun iha aldeia aitutu rihun rua resin ho uma kain atus rua resin
Editor: Lian Orluli
