Ainaro Lian Orluli 20-08-2022– Prezidente Komisaun Organizadóra Mozinho dos Reis Amaral joven postu Hato-buliko komemóra loron Falintíl 20 de Agosto no 30 de Agosto, konsulta popular 2022, ho jogu komunitário.
Ba Jornalista Lian Orluli , Prezidente Komisaun Organizadora Mouzinho dos Reis Amaral informa, iha loron Falintíl 20 de Agosto no loron konsulta Popular 30 de agosto loron ne’ebe mak importante tebés , ba ita nia Nasaun Timor-Leste, tamba ne’e joven sira iha inisitivu selebra ho jogu komunitario hodi anima komunidade postu Hato-buliko liu-liu iha suku Nunomoge
“Agora dadaun Ami kria Desporto komunitário , hodi komemórasaun ba loron Fálintil 20 de Agosto , no Preparasaun mos ba loron Konsulta Popular 30 de Agosto 2022 , Komisaun Organizadora Realiza Aktividade Desportu komunitario ida ne’e, hodi Promove Talento Alin kikoan sira nian, liu-liu ba iha Areia Desporto ”. katak Prezidente Komisaun Organizadóra Mozinho dos Reis Amaral
Alende ne’e Jaime Paskual Ximenes hanesan komunidade Hatu-builico espresa nia Sentimentu kontente, bele Akompaiña komemorasaun loron 20 de Agosto, hodi hanoin hikas fali loron Falintil nian, ne’ebe mak iha pasadu ita nia inan-aman Veteranu sira halo ona hodi luta ba rai doben ida ne’e ohin loron hetan independensia
“sente kontente tebes tamba liu husi atividade ne’e fo hanoin fali mai ami hodi forma atividade jogu hahu ohin to loron boot 30 de agostu 2022 hodi bele anima nafatin komunidade no mos ba ita nia labarik no Joventude sira atu bele mai hatudu no kompete sira nia talentu desportivu, no liu husi komemorasaun no mos atividade jogu ne atu enkoraja nafatin ita hotu liu-liu enkoraja ita nia labarik no Joventude sira hodi hanoin hikas ita nia heroi no martirez sira nebe luta ba rai doben ida ne’e”.hatutan Jaime
Enkuantu atividade ne’e organiza hosi Joventude Postu Hatu-builico hodi komemora loron 20 de agusto no loron konsulta popular 30 de Agusto, atividade refere kontribui masimu husi komunidade postu Hatu-builico ne’ebe iha munisipu Dili no mos iha Ainaro
Editor : Lian Orluli
