Ainaro Lian Orluli-14-09-22- Ministériu solidaridade sosiál no inkluzaun (MSSI) estabelese komisaun diretiva nivel munisípal hodi haree ba programa bolsa da mae jerasaun foun
Diretor Jerál Ministériu Solidaridade Sosiál no Inkluzaun Rui Exposto iha tersa feira horseik hala’o enkontru ho funsionario MSSI munisípiu Ainaro no ekipa saúde munisípiu Ainaro inklui reprezentante autoridade munisípiu Ainaro hodi estabelese komisaun diretiva nivel munisípal kona-bá programa bolsa da mae jerasaun foun
Ba jornalista Diretor jerál ministériu solidaridade sosiál no inkluzaun rui exposto hateten programa bolsa da mãe jerasaun foun implementa iha munisípiu Ainaro iha loron 17 fulan juñu liu ba iha tinan ne’e lansamentu ba rejistu no iha iha loron 20 fulan jullu xefe governu hala’o ona pagamentu maibé iha prosesu implementasaun ne’e rasik MSSI hamutuk ho ministériu Saúde ho hanoin katak presiza kria ekipa diretiva Munisípal ba programa bolsa da mãe jerasaun foun ne’ebé mak nia komposizaun husi Administradór munisípiu Administradór Postu sira inklui Diretór saúde Ainaro no sentru solidaridade sosiál Ainaro ninian hodi buka rezolve problema iha munisípiu Ainaro ligadu ho bolsa da main jerasaun foun ninian
“ MSSI hamutuk ho ministériu Saúde ho hanoin katak presiza kria ekipa diretiva Munisípal ba programa bolsa da mãe jerasaun foun ne’ebé maka nia komposizaun husi Administradór munisípiu Administradór Postu sira inklui Diretór saúde Ainaro no Sentru solidaridade Sosiál Ainaro ninian hodi buka rezolve problema iha munisípiu Ainaro ligadu ho bolsa da main jerasaun foun ninian”. Dehan Diretor jerál ministériu solidaridade sosiál no inkluzaun Rui Exposto
Enkuantu enkontru atu estabelese komisaun diretiva nivel munisípal ba programa bolsa da main jerasaun foun hala’o iha salaun enkontru servisu Agrikultura Peskas Munisipiu Ainaro
Editor: Lian Orluli
