Ainaro lian orluli-14-09-2022– Situasaun moris obriga Mafalda da Silva tenki foti osan husi koperativa moris rasik hodi sosa no fa’an nia produtu iha merkadu, maibe sempre infrenta problema , bainhira to tempu atu setór osan la to’o tamba nia produtu la folin iha merkadu.
“Durante ha’u fa’an modo semana ida iha tempu diak hau bele hetan to’o $ 20.00, maibe ne’e depende ba tempu deit, dala balun mos hetan de’it $ 5.00 , dalaruma mos ema la sosa liu , ho nune’e osan hau atu setór la to’o, etaun hau tenki simu trata husi kolega sira ,tamba osan setor la to’o’’. Esplika negosiant mafalda da silva ba media orluli iha iha segunda (12/09/22) iha merkadu lama Ainaro.
Alende ne’e nia mos hatutan tan sempre infrenta problema no hetan trata husi nia feto maluk sira baihira atu setór ba moris rasik osan la to’o
“ami hela iha merkadu ne’e la permanente, tamba fatin ne’ebé mak ami tau produtu ne’e la seguru atu ami hodi hela ba, dadersan mak ami husi uma mai fa’an maibe ne’e duni tempu deit, karik ami mai sedu sasan sira folin baihira mai tarde sasan la folin ona, tamba ne’e hau sempre infreta problema baihira atu setór osan la to’o, no hau sempre simu trata hela deit husi hau nia kolega feto maluk sira tanba sira maka sempre taka hela deit hau nian”. Halerik mafalda ho tanis
Enkuanto jornalista orluli observa negosiante Mafalda da silva iha oan nain 3, ida iha eskola sekundaria ida iha eskola pré sekundaria no ida iha primária, durante ne’e mafalda maka sustenta nia familia lori fila liman iha merkado
Editor: lian orluli
