Ainaro lian orluli-19-09-22- Faluk Armanda Seija Idade besik 67, Hela Iha Leo-Telu Suku Mauchiga Postu Administrativo Hato-Builico, durante ne’e seidauk asesu eletrisidade iha tempu kalan tamba laiha osan hodi selu ba EDTL.EP.
Ho situasaun real ne’ebe maka Armanda hasoru jornalista orluli habesik a’an ba iha knua Leo-telo, hodi hare kondisaun faluk Armanda nian ne’ebe la asesu ba eletrisidade iha tempu kalan, problema ne’ebe maka faluk ne hasoru moris susar tebes no laiha kbi’it atu selu ba EDTL.EP nune’e bele hatun fiu eletrisidade nian liga ba nia uma.
Armanda seija hateten nia sente triste tebes bainhira iha tempu kalan vijiñu sira ida-idak iha nia uma eletrisidade lakan naroman, maibe uniku Armanda nia uma mak sei iha nakukun laran.
“Hau ho beioan mak hela iha uma ne’e nia sei eskola iha primaria, hau sente triste tebes bainhira hau nia vijinho liga elrtisidade naroman iha hau nia uma maka lae tamba hau laiha kibit atu dada ahi mai hau nia uma, baihira kalan hau uza solar painel ho lampadiñas deit hodi bele hetan naroman.”. katak faluk Armanda Seija ba orluli news iha leotelo postu administrativo Hato-Buliko
Armanda Seija haktuir tan durante ne’e nia moris faluk, hela ho nia bei oan ida ne’ebé sei ki’ik no labele atu ajuda nia halo servisu ruma iha to’os, tamba ne’e nia rasik esforsuan halo to’os hodi bele atende sira nia ai-han loron-loron nian.
“Durante ne’e hau seidauk hetan apoiu ruma husi Guvernu,loron-loron ha’u nia servisu mak halo to’os fila rai hodi kuda ai-han atu bele sustenta hau nia a’an rasik, agora dadaun iha ne’e hau hela ho beioan mane, nia seidauk bele ajuda ha’u halo to’os tamba nia sei ki’ik no sedauk bele hatene atu kaer to’os tamba ne’e hau rasik maka kaer nune’e bele sustenta netik ami nia moris lor-loron nian ”. haktuir faluk Armanda.
Faluk Armanda moris mesak ho nia beioan ida iha uma simples ne’ebe didin ho hadak no laiha eletrisidade atu haroman netik iha tempu kalan, faluk ne’e hanoin atu fila liman (negosio) maibe laiha ona forsa, tamba ne’e nia husu ba guverno ajuda hodi bele hatun eletrisidade husi besi rin ba iha nia uma atu nune’e nia mos bele hetan mos naroma iha tempu kalan hanesan nia vijiño sira seluk.
Entertantu jornalista orluli news tenta komfirma ho autoridade xefe aldeia ho xefe suku Aldeia Leo-telo suku Mauchiga postu Administrativu Hato-builico Maibe la konsege resposrta tamba okupado hela ho servisu.
Editor: Lian Orluli
