Ainaro Lian Orluli 28-09-2022- Vice Ministra Ministerio Solidaridade Social Inclusaun (MSSI), Signi Verdial Hala’o Visita Ba Grupo Hadomi Kultura Iha Munisipio Ainaro.
Ba Jornalista Orluli news Vice Ministra Ministério Solidaridade Social no Inclusaun (MSS) Signi Verdial hateten Orgulhu tebes ho Sra. Palmira Ramos Tamba iha inisiativa rasik hari’i grupo ho naran Hadomi Kultura atu bele hametin nafatin kultura avo bei ala sira ba jerasaun foun.
“Hanesan Ainaru oan hotu ha’u orgulhu tebes ba sra. Palmira ho inisiativa bele kria Grupo hodi promove no banati Nafatin Kultura Avo Beiala Sira nian, atu nune’e, kultura ne’e labele lakon, tenki Existe Nafatin nunue’e Jerasaun Foun Sira mos presiza hatene hodi banati tuir nafatin ita nia kultura liuliu ita nia tais Orijinal Ainaro nian labele lakon, antes ne’e ha’u hasoru ona mana Palmira iha Dili no ami koalia ida ne’e, nune’e ohin ha’u hala’o Vizita mai iha ne’e hodi hare’e diretamente atividade Grupo Hadomi Kultura nian lao ho di’ak ka la’e? tamba ita hare’e Munisipio Seluk nia Tais avansa tebes to nasional tansa Ainaro labele tamba ne’e ha’u fi’ar Grupo Hadomi Kultura Ainaro bele promove diak tan ita nia kultura Ainaro liu-liu ita nia Tais Ainaro ba to’o iha Nasional”.Hateten Vice Ministra ba Jornalista Lian Orluli
Alende ne’e Ministro Coordenador dos Assuntos Econòmicos(MCAE), reprezentante Xefi Unidade da Apoiu Setór Privadu Carlos Seixa de Lemos Perreira hateten, objetivu husi vizita hodi hare’e progressu atividade grupo hadomi Kultura Ainaro.
“Objetivu husi hala’o vizita mai iha Grupo Hadomi Kultura iha Munisipiu Ainaro atu hare’e grupo nia Progressu, husi atividade ne’ebe mak MCAE apoiu iha fulan 5-6 liu bà tinan 2022,Ekipa MCAE mai ho Mèdia relasaun Pùblika nian hodi foti video dokumentariu ba grupo refere no grupo refere MCAE konsidera hanesan grupo Sussesu,Grupo ne’ebe mak haburas kultura identidade Timor nian ho nune’e ami vizita hodi halo video dokumentàriu ida ne’e, alemde arkivu iha MCAE ninian atu promove mos Grupo refere ba iha feira no mos pùbliku liu husi mèdia Website MCAE ninian no pàjina MCAE ninian atu pùbliku bele hatene grupo refere nia atividade no progressu husi grupo sira ne’e rasik ne’ebe mak MCAE ba, no grupo refere hetan ona orsamentu nato’on hodi konstroi fatin ba soru-tais nian no mos ba nessesidade hanesan Kabas no nessesidade seluk ne’ebe mak sira nia grupo presiza hodi bele prodùs tais, no orsamentu ne’ebe MCAE apoiu ne’e hanesan faze inisial ida ba grupo refere hodi hare’e grupo nia progressu atividade, ba iha futuro karik possibilidade iha orsamentu bele kontinua apoiu hodi habo’ot tan grupo nia atividade”. Dehan reprezentante Xefi Unidade da Apoiu Setór Privadu Carlos Seixa de Lemos Perreira
Iha Fatin hanesan Xefe do Grupo Hadomi Kultura Palmira Ramos hateten, hanesan Ainaro Oan iha inisiativa rasik hodi hari’i grupo Hadomi kultura, atu nune’e bele hatutan Nafatin kultura husi Avo Beiala Sira.
“Inisitiva hari’i Grupo Hadomi Kultura, atu bele promove no konta nafatin ba Jerasaun Foun sira hodi hatene no banati tuir nafatin kultura tradisaun Ainaro nian liu-liu Tais tamba tais ne’e sai mos hanesan ita nia kulit nia mak kulit ne’ebe orijinal duni tamba ita hare’e era ida agora era modernu no ita nia tradisaun kultura balun hahu menus ba dadauk tamba ne’e mosu inisativa kria grupo ida ne’e hodi halibur kolega feto maluk, Joventude sira no mos labarik ne’ebe iha kreatividade no esperensia hanesan liu-liu Soru tais,Suku roupa, Dansa kultura bidu,tebedai atu nune’e esperensia ne’ebe mak Sira iha bele dezenvolve diak liu tan iha grupo ne’e , nune’e ba oin bele tuir Eventu sira hodi kompete iha kompetisaun Munisipal sira no mos iha Nasional hodi bele promove diak tan ita nia identidade kultura rai ne’e nian liu-liu Tais”. Hateten Palmira Ramos ba Jornalista Lian Orluli
Entertantu Grupo Hadomi Kultura Ainaro hari’i iha tinan 2019 no agora hetan ona apoiu husi Diresaun Nasional MCAE hodi kompleta ekipamentus no nessesidade bázika Grupo nian hodi hala’o atividade.
jornlista : Sara lewis
Editor : orluli News
