Ainaro Lian Orluli-29-09-2022- Komunidade Hohrai-ki’ik no Aituto postu Adminstrativu Maubisse realija dialógu ho tema Feto Páz no seguransa ho objektivu fo hanoin papel komunidade ba promosaun páz no hametin unidade husi baze.
Relasiona ho Dadus Violénsia Domestika ne’ebe a’as iha Suku Horai-ki’ik no Aituto, Posto Administrativo Maubisse, komunidade halao’o koperasaun ho autoridade lokal hodi kria Dialógu ho tema feto Páz no seguransa ho oblektivu hamenus Violénsia Domestika, problema arte marsiais no arte ritual inklui problema ba rai.
Tanba ne’e Mak Xefe do suku hamotuk ho Komunidade Sira, hodi Realiza Dialógu feto Páz no seguransa ho Objectivo atu fo hanoin papel Komunidade nian ba promosaun Páz no hametin Unidade hodi kontribui ba prevenesaun komflitu iha suku Aituto no Horai-ki’ik.
Iha aktividade ne’e reprejentante administradór Munisipio Ainaro Diretór Jestaun Merkado, Clementino de Araújo hateten “Feto tenki partisipa iha dejemvilvimentu páz no seguransa tamba feto maka simblu ba domin no feto ms tenki forti atu foti desijaun nune’e mos bele fo solusaun atu bele rejove problema iha rai laran”. hatete ne’e iha deskursu abertura atividade dialogu Feto paz no seguransa iha postu Maubisse suku Horai-kik no Aitut.
Iha atividade ne’e Diretór Ministerio Solidaridade Social no Inclusaun (MSSI) Munisipiu Ainaro, Armando Amado da Costa informa, dialógu feto Páz no seguransa hetan apoiu orsamentu husi Ministerio MSSI
” Orsamento hamotuk $ 1.200.00 husi Ministerio Solidaridade Social (MSSI) Munisipiu Ainaro, entrega Direita ba iha Administrador Posto Maubisse, tamba Administrador Posto Mak reprejenta Komunidade suku Horai-ki’ik no Aituto hodi lansa aktividade refere”. Dehan Diretór MSSI Ainaro ba jornalista iha nia knar fatin.
Enkuantu Dialogu Feto Paz no Seguransa ne’e Partisipa Husi Autiridade lokal Munisipio Ainaro reprejentante DJM DMPCC , Rede Feto ,Pesik , Administradór Posto Maubisse, Diretór Ministerio Solidaridade Social Inclusaun, Xefe do suku Horai-ki’ik,Inklui mos Komunidade husi suku Aituto no mos Horai-ki’ik
Jornalista :Sarah Lewis
Editor : Orluli News
