Ainaro Lian Orluli — Kareta Edukasaun Munisipio Ainaro soke labarik ida ho idade tinan 6 naran Nidia iha manufahi, Diretor Edukasaun Oscar de Araujo entrega ba dalan justisa.
Diretór Edukasaun Munisípiu Ainaro Oscar de Araújo, sabdu ne’e (22-10-2022),informa ba Jornalista Lian Orluli katak, iha sesta feira ne’e kareta Ministériu Edukasaun Munisípiu Ainaro transporta materia izame nasionál husi Dili atu ba entrega ba iha polísia asegura hodi distribui ba eskola sira iha postu administrativu Hato-udo munisípiu ainaro ninian atu partisipa izame nasionál maibé kareta estadu ho marka sapa matrikula 06-986 g soke fali labarik ida iha Datorae suku hola rua
Husi asidente ne’e superintendente edukasaun munisipiu ainaro carlos da silva ho nia motorista hetan baku ikus mai superintendente edukasaun carlos da silva tenki evakua ba baisa iha hospital referensia Maubisse no motorista baisa iha Same inklui vitima idade menor tina 6
“Hanesan sidadun timor oan ita hotu kumpri ba lei, asidente ne’e la espera sidadun nain ruan superintendente no motorista la halai iha momentu ne’eba, maibé komunidade maka la kompriende, baku no ikus rejulta nain rua grave, maibe’e ne’e laiha buat ida ita lao ho prosesu legal tuir lei ne’ebé maka iha”. Dehan Diretór edukasaun munisípiu ainaro Oscar de Araújo
Bazeia ba akontesimentu sira ne’e hotu Diretor Edukasaun Munisípiu Ainaro Oscar De Araújo hakarak prosesu ba kazu ne’e la’o tuir dalan justisa nune’e bele hetan lia los
Iha parte seluk komandu PNTL manufahi entrega ona materia izame nasionál ne’ebé mak tula iha kareta estadu envolve iha asidente ba komandu munisípiu ainaro hodi asegura iha eskuadra polísia Hato-udo, hafoin entrega ba edukasaun postu Hato-udo nune’e prepara ba izame nasionál iha segunda semana ne’e.
“Husi Edukasaun Munisipio Ainaro husu apoiu atu asegura matreal Ezame nasional nian, no ita hetan orientasaun husi komando Munisipio Ainaro liu husi segundo komandante, orienta apoiu seguransa hodi bele apoiu transporta hela matreal sira husi komando PNTL Manufahi mai iha eskuadra Hato-Udo”. Komandante tranzitu munisípiu ainaro sarjentu xefe Marito da Costa Coelho
Enkuantu materia izame ne’ebé transporta falun metin ho trapal hamutuk kaisa 18. Husi kaisa 18 sei distribui ba ensinu baziku iha kaisa 12, ensinu baziku iha kaisa 4/ no matéria kaisa rua ba eskola sekundária tekniku vokasional.
Jornalista: Nonya
Editor : Orluli news
