Ainaro Lian Orluli— Administradór Munisipio Ainaro Leovegildo Amaral Pereira Informa, simiterio Ainaro besik nakonu, prepara ona fatin ba simiterio foun maibe’e sedauk bele anunsio.
“ Identifika ona simeiterio postu Ainaro besik nakonu ona no tau ona iha planu fatin ba simiterio foun Ainaro nian, ne’ebé distansia dook oituan husi Ainaro 2 KL. iha Programa PEMOPA koopera ho komunidade no hamutuk ho ami halo limpeza ona ba iha fatin simiteriu foun ne’e no sei muda ba iha fatin ne’ebé maka identifika ona, maibe’e sedauk bele anunsio, tanba sedauk iha reuniaun”. Katak Administradór Munisipio Ainaro Leovegildo Amaral Pereira, ba jornalista orluli news iha nia kanar fatin. Segunda (31/10/2022)
Nune’e komunidade João Casmiro Soares hato’o nia openiaun bainhira halo limpeja iha simiterio relasiona ho kondisaun simeteriu Ainaro nian ne’ebe dadun ne’e nakonu ona fatin atrazadu tebes, tanba ne’e nia apela ba Autoridade Munisipiu atu prepara simiterio foun ne’ebé dignu.
“Ita hare ba fatin simeteru nee ho kondisaun limitadu,fo hanoin de’it katak ba auturedade lokal no Administradór bele buka tok hanoin ruma oinsa bele hare fatin ba simiterio foun no dignu, atu nune’e bainhira nakonu iha ona fatin seluk nebe’e prepara ona hodi halo’ot mate foun sira nune’e labele fo impaktu fali ba iha rate tuan sira”, dehan komunidade Joãon Casmiro Soares baihira hamos hela familia nia rate iha simiterio Ainaro vila
Relasiona ho selebarsaun loron finado, Admistrador husu ba komunidade sira kria páz no estabilidade iha loron finado ne’e no husu mos ba sira ne’ebé mak hala’o viajen husi Dili ba Municipio, karik ho motorijada atu lao ho neneik nune’e bele to fatin ho kondisaun ne’ebé diak.
Entertantu simiterio Postu Ainaro lokalija iha Ainaro vila ne’ebé uja durante iha tempu Invajaun Portugueja to’o ohin loron no simiterio Ainaro ho luan besik hektares rua.
Jornalista : Uca silva/Juneia
Editor : Orluli News
.
