Ainaro Lian Orluli – Vítima Tomas De Jesus idade 49 mate tamba deskomfia hetan tuda ho fatuk husi nia fen kaben, iha área Kerudu Postu Administrativu Hato-bulico Munisipio Ainaro.
Ba jornalista lian orluli kinta feira (04/11/2022), Segundo Komandante PNTL Munisípio Ainaro Superintendente Asistente Mario Vitór Esplika, krònolojia husi akontesementu ne’e katak, antes ne’e iha loron Tersa fulan Novembru Vítima sai husi uma la hameno hela liafuan ruma ba fen kaben no oan sira ikus mai suspeita GM hetan fali nia kaben dahur hela iha fatin serimonia kultural àrea Kerudu, tamba ne’e suspeita GS foti kedas fatuk hodi tuda nia kaben iha ain kabun nune’e rejulta nia monu ba rai ho grave, hafoin familia kontaktu kareta ambulânsia transporta mai iha Hospital referal Maubisse, maibe doutor sira la konsege salva nia vida, tamba ne’e mate isin kontinua transporta ba Hospital Nasionál Guido valadares Dili hodi submete prosesu Autopsia.
“Akontesimentu kazu ne’e tamba vitima Tomas de Jesus sai husi uma no nia fe’en lahatene, maibe vitima Tomas ba partisipa Festa Karolina iha àrea Kerudu hahu husi tersa dadersa’an to’o Kuarta Feira sr.Tomas la fila ba uma, tan ne’e nia fe’en kaben ba buka no hetan iha festa karolina Seremonia kultural iha àrea Kerudu nian ho nune’e nia fe’en kaben hirus hodi foti fatuk tuda no konsege kona iha vitima TJ nia ain kabun no monu ba kedas ba rai ho nune’e familia kontaktu ambulânsia lori kedas vitima ba iha Postu Saùde Hatu-builiko hodi halo tratamentu maibe tamba vitima nia kondisaun grave entaun evakua kedas ba iha Hospital referal Maubisse maibe to’o iha hospital la konsege salva vìtima TJ hakotu iis iha Hospital referal Maubisse”. Dehan segundo Komandante Mario Vitor ba jornalista Lian Orluli iha nia kna’ar fatin
Dadaun ne’e Suspeita GM PNTL lori ona husi Hato-Bulico mai iha Ainaro hodi submete ba iha prosesu investigasaun, maibe prosesu lao tarde tamba suspeita nia kondisaun ladun komfortàvel, no agora daudaun sei hala’o hela tratamentu iha Sentru Saùde Ainaro, depois de suspeita nia kondisaun di’ak hafoin PNTL halo investigasaun hodi prosesu to’o iha Ministèriu Pùbliku
Enkuantu iha akontesimentu kazu ne’e tamba vìtima ba partisipa iha festa karolina hafoin fe’en kaben sra. GM ba buka hetan hodi lori fatuk tuda kosege kona iha vìtima nia ain kabun, rejulta vìtima kanek todan no ikus mai vìtima TJ lakon vida
Editor : Orluli News
