Ainaro Lian Orluli— Prezidente Komisaun Reguladora Artemarsial (KRAM) Octavio Da Conceção Konsidera Ejistensia Artemarsiais hanesan Modalidade Desportu laos Hamoris Oho malu
Sesta feira ne’e, Prezidente KRAM Octavio Da Conceção liu husi seminar hateten, iha Nasaun seluk ema sira ne’ebé Emvolve iha grupu Arte marsiais nudár Modalidade desportu, laos atu kria komflitu no oho malu, hanesan akontese iha nasaun ida ne’e
.“ Artemarsiais laos buat aat ida ne’e modalidade desportu, iha ema rai seluk ema dejemvolve a’an hanesan ema desportu duni, iha ita nia rai ba oho malu, tuda malu, ne’e labele treinu, kuando terinu atu hatudu disiplina moral iha públiku”. Katak Prezidente KRAM Octavio Da Conceção
Iha fatin hanesan Administradór Munisipiu Ainaro Leivegildi Amaral Preira husu ba grupo Artemarsial atu kontrbui ba páz no estabilidade.
“ Imi Joven sira hatene muintu bem situasaun Ainaro nian, atu fo hanoin ba ita boot sira teni kria unidade atu dejemvolve ita nia rai liu-liu iha suku Manutasi”.dehan Administradór Munisipiu Ainaro Leivegildi Amaral
Nune’e mos Segundo Komandante PNTL Munisípio Ainaro superentendente Asistente Mário Vitor , husu ba grupu Artemarsial Atu Kumpri nafatin lei numeu 5/ 2017 arma branka, atu nune’e bele prevene aan husi aktu krime sira.
“Iha lei numeru 5/2017 Arma branka, ne’ebé sei ejiste atu halo monitorija no regularija movimentu atividades artemarsiais no riatuais iha Timor laran tomak, tanta ne’e husu atu kumpri ba lei ne’ebé maka ejiste ona”. Hatutan Segundo Komandante PNTL Munisípio Ainaro superentendente Asistente Mário Vitor
Enkuantu semináriu jeral organija husi Klibur Estudante suku manutasi ho nia tema juventude maka futuru autor ba unidade no dejemvolvimentu ba sosiadade.
Seminário ne’e marka prezensa husi membru grupu Artemarsiais persaudaraan setia hati terate suku manutasi, ikatan kerasakti no KORK, inklui membru arte Ritual 55 no 77.
Editor : orluli news
