Ainaro Lian Orluli—Komunidade Ainaro oan kontribui osan hamutuk dolar $700 hodi harii àrvore natal públiku ida iha Ainaro villa
Diretór Servisu Munisípal Jestaun Merkadu no Turizmu Munisípiu Ainaro Clementino de Araújo, tersa feira ne’e ba Orluli news informa katak, àrvore natal ne’ebé harii munisípiu hetan orientasaun husi Governu liu husi Ministériu Administrasaun Estatal ba iha Diretór desentralizasaun ádministrativa to’o administradór munisípiu hafoin orienta ba jestaun merkadu organiza hala’o àrvore natal iha fatin públiku.
Maibé orsamentu husi administrasaun Ainaro hodi harii arvore la iha, tamba ne’e diretór servisu munisípal jestaun merkadu turizmu Ainaro halo karta ida ne’ebé hetan asinatura husi administradór munisípal inklui diretór refere hodi distribui ba entidade hotu ne’ebé iha Ainaro kontribui osan dolar $200 no Ainaro oan iha Díli kontribui dolar $500, hodi harii àrvore maibé orsamentu refere la to’o, hodi sosa besi no lampu infeta iha àrvore natal.
“ Orsamentu husi Govetrnu atu harì arvore iha Munisìpiu la iha , rajaun tanba orsamnetu lubuk ida maka gasta ona ba iha vestival kultura iha Aturu, tanba ne’e orsamntu la iha, nu-entantu ha esforsu nafatin oinsa bele harii àrvore ida iha fatin sentru iha munisìpiu ne’e rasik hodi bele hamorin nafatin rai lulik Orluli Ainaro. Tanba ne’e hau esforsu hodi hala’o kobransa ba komunidade, maibe’e antes ne’e hau halo karta ba administradòr munisìpiu rasik hodi asina karta ne’e, nune’e hodi destribui ba entidade hotu husi liñas sektorais sira Ministeriais no komunidade hotu iha Ainaro no mos sira ne’ebè servisu iha Dili, no dadaun ne’e hetan apoiu husi komunidade Ainaro hetan osan montante doar $200 ital, Ainaro oan husi Dili hetan apoiu osan dolar $500, total osan ne’ebè apoiu hamotuk dolar $700, maibe’e ne’e sedauk to’o ,” hateten diretór Jestaun Merkadu Clementino de Araùjo ba jornalista iha resintus palko hasolok Ainaro.tersa (6/12/22)
Tamba ne’e diretór ne’e husu ba Ainaro oan hotu atu nafatin kontribui osan tuir sira nia kapasidade hodi bele halo di’ak liu àrvore iha Ainaro villa ne’ebé lokaliza iha area resintu palku haksolok Ainaro
“ Hau husu ba Orluli Ainaro oan sira ne’ebè namkari iha Timor laran ami komfiansa tomak, tanba Ainaro oan ne’ebè asume kargu mesak diak deit maka hanesan Vice Ministra ida, Deputado nai rua, sekeretàrio Estado lubuk ida, ami hotu iha Ainaro nia komfiansa tomak iha imi, espera arvore iha Munisipiu Ainaro sei furak liu tan ho nai ulun sira nia apoiu masimu,” hatutan Diretòr servisu Jestaun Merkado e Turismu ne’e.
Enkuantu tuir planu àrvore ne’ebé harii ho nia naruk metru 25, maibé kestaun orsamentu la sufisente, arvore harii ho nia aas metru 9 deit.
Jornalista : Sara lewis/Nonya
Editor : Orluli news
