Ainaro lian orluli – Governu liu husi Ministra Solidaridade Sosoal no Inkluzaun (MSSI), hala’o destribuisaun Subsidìo $200 ba benifisiàriu fin do anu ne’e, komunidade suku Soro Fo agradese ba Governu
” Ha’u hanesan benefisiàriu suku Soro senti kontenti tamba iha tinan ida ne’e governu liu husi Ministèrio Solidaridade Sosial no inkluzaun bele distribui osan $200 kada uma-kain iha fin do ano, nune’e ami bele uza iha tempu natal nian“, katak benefisiàriu Abel da Costa Borges,tersa (13/12/22)
nune’e mos Xefe suku Soro Miguel Pereira de Araujo hato’o mos agradese ba governu nia apoiu $200 ,tanba bele ajuda ona komunidade iha fim do ano hodi bele passa Natal ho familia iha tempu natal
” Hau agradese ba governu liu bele mai distribui subsidiu osan $200, ba komunidade suku soro iha fim do ano.” Dehan xefe suku Soro Miguel
Enkuantu tuir observasaun Orluli news nota iha terenu, komunidade ne’ebe kada fulan ho salàriu vensimentu $500 ba leten sei lasimu subsidu $200 , tanba governu prepara ona formulàriu deklarasaun rendimentu atu benefisiàriu sira antes simu subsidu $200, tenki priense formatu, hafoin simu osan.
Totàl benefisiàriu suku Soro hamotuk 584, ne’ebè komposto husi aldeia 4, no total orsamentu $11.680.
Editor : Orluli news
