Ainaro lian orluli—Akontese Ahi han uma rua iha Aldeia Ainaro ki’ik , suku Foho-Ailiku , Posto administrative Hato-udo , Munisìpio Ainaro
Xefe Suku Foho-Ailiku Denato de Araùjo ba Jornalista Orluli news husi Via telefone informa akontese ahi han komunidade nia uma iha kinta-feira ne’e mais ou menus Oras 11 besik meudia iha àreia Aimerbada Aldeia Ainaro ki’ik, Posto Administrativo Hato-udo
Tuir informasaun ne’ebè mak Autoridade local ne’e hetan husi Vìtima Insendu ne’e katak Uma-nain sai ba kuru be’e mòs , hafoin fila husi be’e matan hare’e ahi mos komesa lakan bo’ot hodi han uma , la konsege hamate tamba iha loron manas makas
‘’ Iha akontesementu ne’e Autoridade lokal hetan informasaun husi Vitima ne’e , katak Vìtima ne’e sai ba kuru Be’e mòs iha foho leten ho distansia ne’ebè mak do’ok husi uma hela fatin , maibé iha be’e matan sira hare husi do’ok derepenti de’it ahi lakan bo’ot iha uma , sira halai mai la biban atu hamate ahi tamba ahi han motuk ona uma ,no la konsege Salva Sasan Uma laran”, dehan xefe suku foho Ailiku ba Jornalista Orluli news Via telefone iha kinta (15/12/22)
Husi akontesementu ne’e Vìtima Carlota da Costa nùdar Faluk no Kosme da costa ho familia uma-laran hamotuk nain 10, maibé sasan uma-laran lakonsege salva
Enkuantu husi akontesementu ne’e Ekipa Bombeiros husi Munisìpiu Ainaro konsege to’o iha fatin akontesementu , maibé Ahi han motuk hotu ona , komunidade sira nia uma.
