Ainaro Lian Orluli— Udan durante semana ida fo ameasa estrada Bolbeta kotu no difikulta ba transporte pùbliku dirasaun Munisìpu Ainaro ba covalima no Dili.
Tanba ne’e waihira Kompania JONIJE Unipesoal Limitada, la halo intervensaun Urjente bele difikulta movimentu transporte pùbliku nian.
Ba jornalista orluli news mandor kompania Jonije Unipesoal Limitada Luis soares informa, estrada Bolbela kotu tanba inpaktu husi udan bo’ot ne’ebè akontese semana ne’e, tanba ne’e bainhira udan para kompania sira sei hadia fali estrda refere.
“Ami ba hare ona, no hatò ona ba Kompania bainhira udan para ami sei ba hadia fali estrda ne’e, no foin lalais ne’e ami ba ateru tetuk ona maibe’e tanba udan bo’ot durante semana ida ne’e, be’e tebe hotu raihenek nebe’e ateru ne’e halo amesa atu kotu” esplika Mandòr Luis
Relasiona estrada Bolbeta atu kotu sigundo Komandante Bombeiru Munisìpiu Ainaro Onobre Nazàrio Fonseka hateten, ekipa Konjunta Bombeiru no PNTL Munisìpio Ainaro observa fatin refere hodi tau fatin sinais Policeline iha fatin refere hodi prevene asidente iha fatin ne’e.
“Ita servisu kopera hamotuk ho PNTL seksaun tranjitu munisìpu Ainaro nian atu fo atensaun ba ita nia komunidade sira ne’ebè ho transporte Pùbliku, bainahira atu liu husi fatin ida ne’e tenki iha atensaun, tanba ne’e ohin ami mai iha ne’e observa no dada hela poliseline iha fatin refere baihira ema ho transporte ruma hanesan kareta no motor liu husi fatin ne’e bele halai ho neneik,” dehan Onobre
Enkuantu Kompania Jonije Unipesoal limitada konstrui estrada refere iha tinan 2021, no estrda refere ho distansia kilimetro 8, hahau husi Ainaro Vila to’o mota Sarai, maibe’e kona bà osamantu, mandor ne’e deklara nia parte laiha kompetensia atu fo sai osan nia montante.
Antes ne’e akontese ona asidente tràgiu iha estrda kuak refere hodi rejulta kareta kery ida monu iha area Bolbeta.
Editor : orluli news
