Ainaro Lian Orluli — Uma kain hamutuk haat iha munisípiu Ainaro simu apoiu material konstrusaun husi governu tamba sira nia uma afetadu dezastre naturais.
Material konstrusaun ne’ebè mak benefisiariu sira simu mak hanesan kalen lima nulu inklui osan
Segundu komandante operasional Autoridade Protesaun Sivíl munisípiu Ainaro Bene Amaral Carlos de Sousa de Araújo hateten benefisiàriu sira hetan ápoiu material konstrusaun tamba sira nia uma afetadu inundasaun no anin sobu iha tinan 2022, ne’ebé kategòria estragus kaman
Segundu komandante operasional autoridade protesaun sivìl ne’e promete sei hala’o fiskalizasaun ba uma ne’ebé konstrui husi benefisiariu sira
“Ami entrega ona material konstrusaun uma nian ba komunidade afetado uma kain ha’at neebe mak hetan estragos inundasaun ho anin boot iha tinan kotuk atu nunee bele kontrui fila fali sira nia uma, material konstrusaun cìvil mak hanesan kalen, besi martelu pregu no mos orsamentu 600 dolares atu nunee bele ajuda sira konstrui fali sira nia uma,” dehan Segundu Komandante Operasional Autoridade Protesaun Sivíl munisípiu Ainaro Bene Amaral Carlos de Sousa de Araújo
Domingos da silva, benefisiariu husi suku kassa justifika nia hetan ápoiu material konstrusaun tamba nia uma afeta ba inundasaun, benefisiariu ne’e agradese ba governu.
“Ami hanesan vitima dezastre naturais kontenti tebes tamba Estado ajuda ona ami no fo apoiu mai ami atu nunee ami bele konstrui fali ami nia uma” katak Domingos da Silva,benefisiariu
Enkuantu benefisiàriu sira ne’ebé simu àpoiu material konstrusaun postu Ainaro iha na’in haat, husi suku Kassa uma kain rua no Suru-Kraic uma kain rua.
Alende ne’e benefisiàriu husi postu administrativu maubessi na’in ida ne’ebé nia uma hetan estragus totál simu kalen, semente, besi beton mili ualu, besi kotak lima nulu inklui osan rihun ida, hodi konstrui fali uma ne’ebé estragus, maibé autoridade protesaun sivíl munisípiu ainaro seidauk entrega ba benefisiariu ne’e tamba sei hala’o hela deslokasaun ba manufahi.
Editor : Orluli News
