Ainaro Lian Orluli— Autóridade protesaun sivíl husu ba komunidade munisípiu ainaro atu hadok aan husi ai huun boot sira tamba dadauk ne’e Ainaro hahú hasoru anin boot
Asuntu ne’e hato’o husi komandante autoridade protesaun sivíl Munisípiu Ainaro inspetór Afonso da Silva ba Jornalista Orluli news kinta (29/12/22), feira ne’e relasiona ho anin boot ne’ebé komesa akontese iha kuarta feira to’o oras ne’e
Komandante autoridade protesaun sivíl Munisípiu Ainaro ne’e husu ba sidadaun sira bainhira akontese ai tohar hanehan sira nia uma tenki fó informasaun ba iha servisu bombeiros atu nune’e bele hala’o atendementu urjente
“Ita hotu hatene katak Ainaro risku ba desastre naturais no horseik iha ona sinal anin komesa boot, tanba ne’e nudar aturidade protesaun sivil Munisìpiu Ainaro hakarak alaerta ba populasaun tomak, atu koidado a’an bainhira anin mai volelosidade boot atu matan moris hodi fo salvasaun ba a’an, no ba uma sira ne’ebè kondisaun ladun metin husu atu prepara hodi hadia no taka halo metik karik uma balu maka sei uja ho aì-au presija atu kesi ho metin, bainhira akontese anin boot makas aì tohar hanehan uma halo favor kontaktu mai iha protesaun sivìl dirasaun Bomberu atu bele atende lais ba ita boot sira,” hateten komandante Autoridade Protesaun sivìl
Entertantu anin boot ne’ebé akontese ne’e konsege sobu uma abitante ida iha área maulore suku Ainaro ninian
“Anin boot komesa hodikalan hau nia uma komesa hetan estragus husi parte varanda nian, kalen sira anin huu monu hotu,” hakturi vítima António Corte-real
Enkuantu anin boot ne’ebé akontese estraga plantasaun komunidade nian hanesan hudi no batar balun tohar. Autoridade Protersaun sivil munisìpiu Ainaro apela mos ba komunidade hases an husi fatin risku ba desastre sira.
Editor : Lian Orluli
