Ainaro Lian Orluli—Autoridade protesaun sivíl munisípiu Ainaro fó ápoiu humanitaria ba inan kbiit laek no ema difisensia sira iha Munisìpiu Ainaro.
Komandante Autoridade Protesaun Sivíl Inspetór Afonso da Silva hateten, ápoiu humanitaria ida ne’e hanesan prezente ba loron natal no tinan foun ba inan kbiit laek no ema ho difisensia uza hodi haan hamutuk ho sira nia família loron balun
“ Husi parte dirasaun desastre naturain foti dadaus ba inan kbi’it laek sira iha postu Ainaro suku hat, ne’ebè maka ita identifika ona, tanba sira ne’e merese duni atu hetan apoiu sira hanesan ne’e iha lororn boot ida ne’e atu nune’e sira bele selebra festeja natal nian nian,” hateten Komandante autoridade protesaun sivíl inspetór Afonso da Silva
Benefisiariu cristina do rosário núdar ema difisensia ida agradese ba tulun ne’ebé husi governu hodi fó ai haan ba nia no ba inan kbiit laek sira
“Estadu tenki hanoin mai ami sira inan faluk no kbi’it laek sira, no hau agradese tebes ba governu bele apoiu ona ami hodi hetan ona sasan humanitaria sira hanesan ne’e, hakrak husu tan ba governu ajuda ami hodi bele hetan mos ho uma kbi’it laek nian,” hateten Benefisiariu Cristina do Rosário
Entkuantu benefisiariu 27 ne’ebé simu apoiu husi autoridade protesaun sivíl kompostu inan kbiit laek 24 no ema ho difisensia na’in tolu
Ápoiu sira ne’e entrega iha edifisiu autoridade protesaun sivíl ne’ebé lokaliza iha Ainaro villa. apoiu humanutària ne’e mak hanesan dose masin, kafé, masin midar, xà, no ikan lata
Jornalista : juneya da costa / Uca silva
Editor : Lian Orluli
