Ainaro Lian Orluli— Fasilidade EDTL empreza públika munisípiu Ainaro hetan estragus durante anin boot semana ne’e.
Xefe Unidade EDTL Empreza Públika Munisípiu Ainaro Tomas Mendonça hateten, anin bo’ot durante semana ne’e estraga fasilidade liña eletrisidade nian hanesan media tensaun, nomós baisada ne’ebé liga husi poste ba uma komunidade nian, iha área AMD suku Mau-ulu iha Postu Ainaro villa.
Tamba ne’e eletrisidade labele lakan iha tempu kalan iha postu Ainaro villa, maibé área Faulata to’o Cassa Postu Administrativu Ainaro villa balun ahi lakan inklui Postu Administrativu Hato-udo ne’ebé anin ladún boot, maibé Hato-builico, Maubessi ahi labele lakan iha tempu kalan tamba impaktu natureza anin foho.
“ Ho akontesementu natureza ida ne’e ami hare katak grave duni, maibè la’os maioria ahi mate hotu. Husi Faulata to Cassa ba to iha Postu Hato-udo ahi bele lakan maibè iha Postu Hato-builico no Maubisse mos ahi mate tanba kauza husi anin boot halo faselidade eletrisidade nian estragus,” esplika Xefe Unidade EDTL Empreza Públika Munisípiu Ainaro Tomas Mendonça.
Alende ne’e anin boot mós huu monu fiu poste Timor Telkom ninian monu iha uma forma Ainaro villa
Editor : Orluli news
