Ainaro Lian Orluli— Governu lokál ne’ebé lidera husi Autoridade Munisípiu Ainaro fó ápoiu emerjensia ba vítima sira ne’ebé afetadu anin sobu nia uma, iha semana ne’e hamotuk 124.
Relasiona ho anin boot iha semana ne’e hahau husi lroron (29/12/22- 3/01/23), iha Munisípiu Ainaro hodi sobu komunidade sira nia uma, iha kuarta (4/01/23) Administradór Munisípiu Ainaro Leovegildo Amaral Pereira akompaña komandante PNTL munisípiu Ainaro no Komandante Autoridade Protesaun Sivíl inklui Parseiru Governu hanesan Plan internasionál no cruz vermelha Timor-leste lori ona apoiu emerjensia fos, doze susu been, basia no manta hodi entrega ona ba vítima sira.
Ádministador Munisípiu Ainaro Leovegildo Amaral Pereira hateten, apoiu emerjensia sira mai husi sekretária Estadu protesaun sivíl, Plan internasionál no cruz vermelha Timor-leste. Apoiu sira ne’e bazeia ba dadus rekolha husi ekipa konjunta autoridade protesaun sivíl, Cruz vermelha Timor-leste rekolha iha terrenu
“Apoiu emergensia ida ne’e ita lao hamotuk ho ekipa konjunta Autoridade Protesaun sìvil Munisipiu Ainaro,Autoridade seguransa PNTL inklui mos ho pareseiru Governu Plan Internasional, Mersycorps, CVTL, ajuda emerjensia ida ne’e ba ita nia komunidade ne’ebè nia uma hetan sobu, ida ne’e apoiu emerjensia deit atu nune’e komunidade afetadu sira uja dadaun hodi hein prosesu tuir mai ne’ebè ita sei rejolve bele hetan apoiu kalen no peregu,” dehan Administradór munisípiu ainaro leovegildo amaral pereira
Napoleão soares “maura” núdar vítima, agradese ba governu ne’ebé apoiu emerjensia ba sira
“Hau kontenti ebes ho apoiu emergensa ne’e, maibe’e hau triste deit hau nia uma ne’e anin sobu tia hitu no hau sei dada fali lona hodi hela ne’e halo hau matan be’en mos atu munu, tanba hare ba hau nia uma ho kondisaun agora ne’e,” halerik Napoleão soares ” maura” núdar vítima
Enkuantu tuir dadus prevzoriu ne’ebé mak ekipa autoridade protesaun sivíl munisípiu ainaro no cruz vermelha timor-leste munisípiu ainaro rekolha hahú iha loron rua to’o tersa horseik uma ne’ebé hetan estragus husi ainin boot iha Ainaro villa hanutuk 124, husi númeru refere seidauk konta postu administrativu hatobuilico, maubessi, inklui postu administrativu hato-udo, tamba ekipa seidauk halo levantamentu tamba menus rekursu.
Jornalista : Clementina Fatima/ Sara lewis
Editor : Orluli news
