Ainaro lian orluli — Governu liu husi Ministèriu Saùde (MS), lansamentu kampaña vasinasaun itegradu ba labarik ho idadae tinan 5 mai karaik iha suku manutasi Postu Administrativu Ainaro munisispiu Ainaro
Ba orluli news kinta (12/01/2023), Directór Nacional Aprovisionamentu Ministeriu Saúde, Nelson Guteres Castro hateten, objetivu husi lansamentu ne’e atu prevene moras ba labarik sira ho tinan lima(5) mai karaik nune’e bele hasa`e imunidade no prevene husi moras daet
.
“Objetivu ohin ne’e ita halo lansamentu kampaña integradu iha teritoriu Timor laran tomak atu ema hotu hatene katak imunizasaun vasina ba labarik ne’e inportante, nune’e liu husi imunjasaun ne’e bele hasae imunidade ki’ik oan sira nian no prevene sira husi moras ne’ebe hadaet. Alende ne’e ita mos teteu ba labarik sira inklui distrubui Aimoruk Albinajol no Vitamina A,” dehan Director nacional aprovisionamentu ministeriu saúde Nelson Guterres Castro
Iha fatin hanesan Sekretària administrador Munisipiu Ainaro Rosa Olga Mendonsa, apela ba komunidade liu-liu iha Munisipiu Ainaro ba inan aman atu hodi oan husi tinan lima(5) mai karik ba simu imunizasaun Nune’e bele prevene husi moras ne’ebè hadaet.
“Husu ba inan aman atu lori ona sira ne’ebè tinan lima mai karik ba iha sentru saùde nebe’e besik nune’e ne’e simu vasinasaun, hodi bele prevene moras, ” Dehan sekretaria administrador munisipiu Rosa olga mendonsa
Enquantu iha lansamentu ne’e participa masimu husi Autoridade lokal Munisipiu Ainaro xefe suku nain hitu inklui komunidade.
Editor: Orluli news
