Ainaro Lian Orluli — Kompainha Asmaetete Unipesoal Limitada, distribui batar fai identifika fohuk no ikan dodok, ba benefisiariu aldeia Tukaro no Hato-seraquei suku Hunumoge Postu administrativu Hato-builico Munisípiu Ainaro
Maske batar fai balu identifika fohuk iha plastiku laran inklui ikan maran balun dodok ona, maibé kompainha nafatin distribui ba benefisiariu sira. Tamba ne’e benefisiariu ne’ebé simu sasán sesta bázika sira ne’e lamenta husu kompainha atu bele troka foun, tamba batar fohuk no ikan dodok no bele fó impaktu ba saúde, wainhira konsumu.
“Ami senti triste tebes tanba sasan ne’ebè maka ami simu mesak fohuk no dodok, tanbane’e ami husu ba kompania sira, lori sasan mai ami ne’e tenki diak oituan, labele lori fali veneno mai ami ne’e bele halo ami moras tan,” benefisiariu, Zelia da costa da Silva, dehan.
Gilson benevides, núdar tekniku kompainha Asmaetete Unipesoal Limitada hateten, sasán sesta bázika ne’ebé distribui hamutun Item ualu, hanesan fos, mina, kafé, batar, masin mudar no kafé no ikan maran. Sasán balu nia rekoñese dodok, hanesan ikan maran, tamba ne’e nia husu benefisiariu sira atu troka.
“Kona ba sasan sira ne’e ami sosa produtu lokal hotu, ba sasan maka dodok ka a’at ami bele troka fali ho sasan sira seluk,” Gilson Benevides, núdar tekniku kompainha Asmaetete Unipesoal Limitada, hateten
Entertantu kompainha Asmaetete Unipesoal Limitada la’ós distrbui de’it sesta bázika ba komunidade aldeia Tukaro, maibé antes ne’e distribui ona ba aldei neen seluk ne’ebe partensia ba suku Nunumoge.
Entertantu kompainha refere la’os distribui de’it distribui sasán sesta bázika ba benefisiariu aldeia Tukaro no Hato-seraquei, suku nNunumoge maibé antes ne’e mós kompainha ne’e distribui ona sasán sesta bázika ba aldeia neen sira seluk ne’ebé partensia ba suku Nunumoge. ho totál benefisiariu suku Nunumoge 6786, ne’ebé inklui aldeia Tukaro no Hato-seraquei.
Wainhira lian orluli tenta konfirma via telefoni ho servisu finansas kompainha Asmaetete Unipesoal Limitada kona bá montante orsamentu, maibé direjente finansas kompainha Asmaetete ferias hela iha liquisa, tamba dadus orsamentu iha hela servisu fatin Asmaetete Unipesoal Limitada iha Díli
