Ainaro Lian Orluli— Anin boot fulan dezembru tinan 2022 to’o janeiru semana kotuk sobu sede suku soro ne’ebé iha faze konstrusaun besik finaliza maibé hetan estragus husi anin boot ne’ebé akontese iha fulan de dezembru tinan 2022 ate janeiro semana rua ba kotuk.
Diretóra interina PNDS munisípiu Ainaro Virgínia de Araújo ba Lian Orluli kuarta feira ne’e informa sede suku ne’ebé mak anin sobu PNDS seidauk entrega ba Suku Soro hodi utuliza tamba iha faze konstrusaun ne’ebé mak seidauk remata, maibé anin boot ne’ebé akontese semana rua ba kotuk, konsege sobu kalen uma nian.
Tamba ne’e direjente interina ne’e dehan, orsamentu ba konstrusaun sede suku soro ho montante rihun rua nulu resin atu rua haat nulu, sentavus haat nulu (20,240,40) ne’ebé gastu ona ba konstrusaun rihun sanulu resin hitu atus lima ualu nulu resin neen, jero tres sentavu (17,586,03)
No osan restu rihun rua atus neen lima nulu resin haat vergula sentavu tolu nulu resin hitu (654,37) hodi sosa fali kalen hodi troka kalen ne’ebé anin sobu, hodi taka fali.
“Iha Momentu Akontese Anin Boot no rona katak uma hetan sobu, ekipa tekniku sira tu’un direta iha terenu hodi observa ona, uma sede suku ne’ebe PNDS prepara sedauk entrega ba sexe suku Soro, tanba ne’e rajaun ida mai ita, oinsa atu hadia fila fali uma ne’e, orsamentu kontrusaun Sede ne’e sei iha dois mill ital deit, bainhira tekniku sira sukat la to’o ita sei husu apoiu ba iha Nasional,” Diretòra interina PNDS Vergína esplika iha nia knar fatin kuarta feira (18/01/23)
Enkuantu konstrusaun sede suku soro ne’e hahú iha loron 30 fulan agostu tinan 2021, tamba covid19 no klima ainaro, konstrusaun ne’e seidauk finaliza.
Editor : Lian Orluli
