Ainaro Lian Orluli— komunidadae Sabagu-lau ho Manutasi husu ba governu sentral atu hadia estrada harí ponte iha mota ulun mau-mali nune’e bele fasilita komunidade aldeia 1 to’o 3 suku Manutasi bele atraveza
Ba lian Orluli kuarta feira (18/01/23) José Pacheco hateten, estrada tempu okupasaun Estadu Indonezia loke ona estrada husi Ainaro leten to’o Sbagu-lau kuaze kilo metru lima, maibé labele kontinua tamba plantasaun kafé komúnidade sira nian, tamba ne’e komunidade Aldeia 1 to’o 3 suku Manutasi labele asesu estrada bainhira komunidade sira ba merkadu balun tenki la’o ain tuir dalan terik no tenki hakúr mota Mau-mali ne’ebé laiha ponte, ho nune’e lia na’in Suku Manutasi husu Governu sentrál atu loke Estrada foun to’o mota Mau-mali Ulun no harii ponte ruma iha mota-Mau-mali nune’e bele fasilita komunidade Manutasi Aldeia 1 to’o 3 suku Manutasi lori produtu ba merkadu.
“Hakarak rekomenda ba Governo, kona ba balija entre suku Manutasi no Suku Ainaro hafahe deit husi mota Mau-mali, bainhira ema atu ba Ainaro tenki hakat liu mota ne’e, tanbane’e ami hakarak Governu tenki tau ponte ida iha ne’eba atu nune’e komunidade sira husi aldei 1 ho aldei 3 bele liu husu dala ne’e ho diak, alende ne’e hadia mos estrada ne’ebé iha nanis ona,” José Pacheco, lia na’in suku Manutasi, dehan
Rejidente Leonardo Barros Magno hateten, estrada Sabagu Suku Ainaro baliza ho Aldeia 1 suku Manutasi, maibé kondisaun estrada Sabagu grave tamba ne’e difisil asesu ba transporte, tamba ne’e husu ba Governu atu hadia Estrada ne’ebé aat.
“Iha tempu Indonesia loke dalan ne’e kuaje kilometru 5, agora grave loos ona, baihira ami atu lori produtu sira ba iha merkadu, tenki la’o ain no hakur mota Mau-mali,” rejidente Leonardo Barros Magno, Haktuir
Entertantu aldeia 1 ho totál populssun atus haat lima (405) no aldeia 2 ho populssun atus rua ualu no(208) aldeia 3 atus lima lima nulu resin sia(559).
Editor : Lian Orluli
