Ainaro lian orluli – Centru Saúde (CS) Ainaro hala’o kampañia masal vasina PCB, sarampo ba labarik ho idade tinan 5 mai kraik iha aldeia lima suku cassa postu Ainaro.
Programasaun Saúde Ainaro Celeste Sarmento dos Reis iha Kampannia Masal ne’e informa atividades ohin mak atu hala’o Vasinasaun Masal ba Labarik sira ho idade tinan 5 ba kraik, iklui Promove Aihan lokal nutrusaun.
“Atividades ohin nian kona ba Kampañia Masal ne’ebe fokus ba Vasina Covid Vasina rutina PCB Sarampo Rubella no mos ba labarik hotu tinan lima ma kraik sei fo ai-moruk vitamina no aimoruk Lumbriga alvendazol, Objetivu husi atividade Vasinasaun ohin nian atu hasa’e Imunidade isin nune’e hodi kontra moras sira no mos hodi bele redus mal nutrisaun iha ita nia munisipio, agora daudaun iha suku Lai lima labarik sira nebe ami kober iha labarik nain 16 mak vasina no mos inan aman sira ne’ebe mai partisipa iha vasina Covid hamutuk na’in 4″. Celeste hateten ba jornalista iha intervista, kinta feira (19/01/23)
Responsavel programasaun saúde ne’e mos haktuir atividades kampaña ohin laos hala’o deit vasinasaun maibe promove mos ho ai-han lokal nune’e inan aman sira bele tau iha prátika hodi bele redus malnutrisaun
iha kampañia ida ne’e mos ami envolve ho Demo Cooking ne’ebe bele promove ai-han lokal sira hanesan ohin menu ne’ebe uza mak hanesan fo’os rai, marungi tahan no mos na’an manu hodi tein sasoro nune’e inan aman bele tau iha pratika tein fila fali nafatin ba oan sira atu nune’e bele ajuda redus mal nutrisaun iha ita nia munisipio”. Programasaun saude Celeste hatutan ba jornalista Orluli
Enkuantu atividade Kampannia Masal ne’e laos hala’o deit iha suku Cassa maibe tuir planu sei kontinua hodi kobre hotu Postu, suku no aldeia sira iha munisipio Ainaro
Editor : Lian Orluli
