Ainaro Lian orluli— Benefisiáriu uma kain 259 iha Postu Administrativu Ainaro vila simu kalen mean husi Programa Dezemvolvimentu Suku (PNDS) liu husi programa Uma naroman ba povu plus B
Ba Lian Orluli sabadu (4/2/23) Xefe Suku Manutasi Manuela da Silva Caldas inaforma Iha Suku Manutasi uma kain 37 simu ona kalen mean husi PNDS, tanba ne’e nia husu ba benefisiáriu sira ne’ebé simu ona kalen atu prega sira nia uma hodi troka kalen furejen ne’ebé anterior
Lideransa komunitária Manutasi ne’e afirma bainhira benefisiáriu sira la kumpri nia parte sei koopera ho PNDS atu ba foti fali kalen ne’ebé benefisiáriu sira simu hodi entrega ba ema seluk ne’ebé seidauk hetan ápoiu husi parte Governu
“Iha Hau nia suku Manutasi hahu ohin ami destribui ona kalen ba benifisiariu sira hamotuk 37, no ami sei la iha impedementu, no nafatin kopera ho lideransa Autoridade Munisipiu no ekipa PNDS nune’e bele tun ba iha terenu hodi observa direta benifisiariu sira ne’ebé maka simu ona obrigatóriu tenki halo, karik sira la halo tuir maka ami iha poder atu foti fali matreal sira sei fo fali ba uma seluk ne’ebé presija,”. Xefe Suku Manutasi Manuela da Silva Caldas, hateten
Nune’e mos Administradór Postu Administrativu Ainaro Nazário de Araújo hatete, durante distribuisaun kalen ba benefisiáriu sira hahú kuarta to’o Sabadu ne’e rejista preokupasaun ne’ebé hato’o husi benefisiáriu suku Suru-craic no Maununu, tamba ne’e transporte labele transporta material to’o suku rua ne’e tamba kondusaun estrada aat no klot
“Durante loron 4 distribusaun kalen ba benifisiáriu sira, iha prekupasaun boot tebes husi ita nia komunidade suku rua maka hanesan Suku suro-carik no Suku Mau-nuno, ita labele ba to iha fatin tanba dalan át no estrada kolot transporte labele transporta ba to’o iha fatin tanba kondisaun estrada la diak no klot, tanba ne’e benifisiáriu ba suku rua nian ami destribui deit iha edifisiu PNDS,” Administradór Postu Administrativu Ainaro Nazário de Araújo, akresenta
Entertantu benefisiáriu ne’ebé simu ona apoiu kalen husi PNDS mak suku Mau-ulu, Suru-craic,inklui Suku Manutasi, falta suku haat mak PNDS no autoridade ba hala’o prosesu entrega kalen ba benefisiriu sira.
Editór Lian Orluli
