Ainaro Lian Orluli— Paulina sonet, inan husi Orlando Martins ho matan been husu apoiu nafatin ba ekipa konjunta PNTL no APC munisípu Ainaro ho komunidade atu buka nafatin nia oan mane orlando martins, ne’ebé lakon iha Ramelau
Paulina Sonet ba Jornalista kuarta feira ne’e hateten, nia oan Mane Orlando Martins mak lakon iha Ramelau, iha loron ualu fulan ne’e, ho nia kolega Riando Falo ne’ebé nia isin mate hetan ona iha tersa feira horseik, husi komúnidade no PNTL munisípiu Ainaro inklui autoridade protesaun sivíl munisípiu Ainaro, maibé joven orlando martins, ne’ebé lakon ona loron hitu, seidauk hetan
Tamba ne’e paulina sonet ho haraik aan no matan been husu nafatin ba Governu nia liman ain ne’ebé iha munisípiu ainaro atu buka nia oan mane ne’ebé lakon seidauk hetan
“ Hau husu ba komandante PNTL no komandante APC munisipiu Ainaro, nomos ekipa konjuntu tulun netik hau ba, tanba nia kolega Riando hetan ona, maibe’e hau nia oan to’o agora sedauk hetan, hau triste loos, hau simu ho realidade kondisaun hau nia oan nian no agora ne’e hau entrea hau nia aan tomak ba maromak,” Inan Orlando, Paulina hato’o ho tais iha terenu
Komandante Eskuadra Polísia Hato-builico Inspetór Carlos Exposto hateten, ho prezensa Autoridade Protesaun Sivíl munisípiu Ainaro ho membru Falintil Forsa Defeza Timor-Leste, sei hamutuk ho komunidade sei kontinua buka joven Orlando Martins, iha Ramelau
“Nudár seguransa iha ne’e, ita hotu esforsu, hamotuk ho ekipa PNTL, APC, F-FDTL, inklui Jove sira iha Postu Hato-builico, kopera diak hodi buka joven nain rua ne’e, no ita hetan ona Orlando nia kolega, husi parte seguransa sedauk dezanima kole ou para nafatin buka nune’e bele hetan kolega ka oan Orlando,” Inspetór Carlos dehan.
Entertantu Joven na’in rua ne’ebé lakon nu’udar sidadaun Oecussi ne’ebé mai iha Hato-builico ho motorizada genio ho sapa matrikula s pontu 6898 tl, ba para iha santuariu Ai-Guarema, hafoin viazen sa’e ba foho Ramelau, ikus mai la fila, tamba ne’e motorizada komunidade mós hakfodak tamba motorizada ne’e para hela, iha Santuáriu Ai-Guarema, maibé laiha na’in ruma koñese, ikus mai ekipa konjunta hodi buka tuir, joven Orlando Martins no Riando Falo, iha Ramelau
Editór: Lian Orluli
