Ainaro lian orluli— Sekretário Estadu Comunikasaun Sociál (SECOMS) Merício Júvinal dos Reis (AKARA) liu husi sensibilizasaun literasia dijital ba komunidade família no estudante hodi kombate hoax no promove internet saudavel, tanba iha nasaun Timor-leste joven 70 % mak utiliza internet.
“ Iha sensibilisaun informasaun konba plata forma dijital ne’ebé mak agora dadaun kuaze joven 70% mak utiliza ona média sosial hanesan facebook ,whatssap no mos tiktok, ho ida ne’e mak ita nia Governu hanoin ona katak tenki prepara sidadaun sira ho aprende Edukasaun sívika, hodi nune’e sira bele iha koinesementu kle’an konabá oinsa atu públika buat ne’ebé mak pozitivu hanesan talentu ne’ebé mak joven sira iha no mos fatin turismu iha ita nia rai-rasik, promove ba iha nasaun sira seluk iha media social, no mos fó hanoin ba sira bainhira atu partisipa iha kombate hoax, tanba kuandu ita husik hela de’it hoax ou lia falsu bele hamosu komflitu, harmonia social, ne’e la’o hela de’it bele fó ameasa ba ita nia nasaun Timor-leste iha future,” hateten Secretário Estado SECOMS iha nia deskursu
Nune’e nia hatutan la’os liu husi sinsibilizasun hanesan ne’e atu bandu joven sira uza plata forma dijital, maibé atu prepara joven sira bele uza plata forma dijital ho seguru
“Governu hakarak hala’o kanpainha sira hanesan ne’e la’os atu bandu sidadaun sira atu uza plata forma sira ne’e, maibé prepara sidadaun sira atu uza ho seguru , no kontinua uza matenek , iha koinesementu ne’ebé mak kle’an , iha kapasidade no iha pensamentu kritiku bainhira simu informasaun , lansa informasaun, tenki hatene informasaun ne’e los ka la’e no iha benefisiu ka la’e ida ne’e hanesan hola parte iha edukasaun sivica ho ida ne’e mak ita hakarak kontinua halo sosializasaun no kampaiña iha munisípiu sira” hatutan nia
Nune’e nia mos husik hela mensagen ba joven no estudante sira tenki aproveita ho era dijital hodi buka referensia ne’ebé mak iha benefisiu, matenek, no sai hanesan motivasaun ne’ebé mak di’ak
“Joven no estudante labele uza era dijital ida agora ba buat ida ne’ebé mak la iha benefisiu ne’ebé mak la di’ak, sai hanesan joven no estudante uza plataforma dijital tenki buka hatene referensia ne’ebé mak pozitivu hanesan fó motivasaun , aprende barak sai matenek no iha pensamentu kritiku hodi sai lideransa ba ita nia nasaun hodi halo dezenvolvimentu , no mos bele ba estudu iha rai-liur , atu nune’e hatudu ba nasaun seluk katak maske timor nasaun ki’ik maibé iha ema matenek barak hanesan nasaun sira seluk , tanba timor nia sidadaun sira hatene lalais lingua hanesan inglesh, koreia,portugues no lingu sira seluk”,mensagen sekretario estadu comunicasaun social merício juvinal dos reis akara
Enkuantu iha aktividade ne’e hala’o perante loron ida no partisipa masimu husi administradór munisípiu Ainaro, Leovigildo Amaral Perreira, reprezentante Amo paroko Ainaro, plan internasional , estudante EBC Venancio Ferraz, Eskola EBC.Santa Maria Ainaro, Eskola Sekundário Geral Fernando Las-ama de Araújo, Centru juventude munisipiu Ainaro.
Editór : Lian Orluli
