Ainaro Lian Orluli— Mercy Corps Fasilita Formasaun Ba Komunidade Postu 3, Postu Hatu-Builico, Hatu-Udo no Postu Maubisse Konaba Redusaun Risku Dezastre Iha Ainaro
Ba Lian Orluli Xefe Departamentu ALGIS no Agrometeorologia, Nilton Jorge Ribeiro Hateten agradese ba Mercy Corps ne’ebe fasilita ona workshop Ho Tipu 2 Klima no Sektor Agrikultura ba to’os nain no natar nain sira nune’e bele halo prevensaun no redusaun risku dezastre
“Agradese ba Mercy Corps ne’ebe mak bele fasilita Workshop ho topiku 2 meteorologia oinsa klima ne’e akontese no impaktu husi klima ne’ebe hare’e liu ba iha sektor agrikultura iha loron ohin, ho nia objetivu oinsa atu hanorin ita nia to’os nain no natar nain sira aumenta sira nia konesementu kle’an tan konaba klima hodi halo prevensaun Redusaun risku dezastre nune’e ita nia agrikultor sira bele halo produsaun ho diak tuir klima “. Xefe Nilton Jorge Ribeiro Dehan iha Kinta-feira ne’e (23-02-23)
Iha formasaun ne’e partisipante Domingas Soares Ximenes ho Costantina Cardozu sente kontente hetan oportunidade hodi partisipa iha formasaun DRR nee, nune’e bele aumenta sira nia esperiensia hodi aplika fila fali iha uma no mos bele fahe tutan esperensia ne’ebe sira hetan ne’e ba maluk To’os nain no natar nain sira seluk
“Ami sente kontente tamba bele mai partisipa formasaun Redusaun Risku Dezastre, bele aumenta ami nia konesementu tan kona ba klima nune’e ami bele hatene oinsa bele halo to’os no natar ho diak iha tempu udan no tempu bailoro, ami bele aplika nafatin no bele fahe esperensia ne’ebe ami hetan iha loron ohin ba ami nia maluk to’os nain no natar nain sira seluk ne’ebe la mai partisipa formasaun ida ne’e“. participante Domingas ho Costantina agradese
Enquantu iha formasaun ne’e hala’o perante loron ida no participa masimu husi reprezentante fisanista, adeka no komunidade sira husi Postu Administrativu Tolu (3) Postu Hatu-Builico, Hatu-Udo No Maubisse Iha Munisipiu Ainaro
Editor : Lian Orluli
