Ainaro Lian Orluli— Manorin na’in Reklamadu prega metin odamatan sala eskola, iha Ensinu Báziku Central Boetua, obrigado estudante tenki hala’o fali prosesu aprendisazen iha sala marenda eskolar hodi tuur de’it iha rai.
Relasiona ho públikasaun naran profesores volontáriu iha jornal repúblika, hodi submete ba kontratu, maibé manorin na’in sira balun naran laiha sente la satisfas hodi husu Ministériu Edukasaun pending lai profesores sira nia kontratu, enkuantu manorin nain reklamadu sira seluk hala’o asaun hodi prega odamatan eskola nian hodi hatudu jestu protestu ba Ministériu Edukasaun atu rezolve problema manorin nain reklamadu sira nia naran ne’ebé la fó sai iha jornál repúblika
Aktu blokea prega metin odamatan ne’e akontese ensinu báziku sentrál 20 agostu 82 Dare Boetua, Suku Mulo Postu Administrativu Hato-builico Munisípiu Ainaro
Ho aktu sira ne’e Estudante kuaze atus ida hahú husi primeiru siklu to’o terseru siklu tenki muda ba hala’o fali prosesu aprendisazen iha edifisiu marenda eskolar no alunus sira tenki tuur de’it iha rai hodi hakerek
Diretúr Dukasaun Munisípiu Ainaro Oscar de Araújo, justifika asaun ne’ebe akontese iha EBC Boetua, komete husi manorin na’in voluntáriu ida ne’ebe mak naran la públika iha jornál Repúblika.
Oscar de Araújo mós klarifika asaun ne’ebé reklamante ne’e hala’o tamba reklamante ne’e, volontáriu iha tinan 2006, maibé nunka hetan seleasaun ba kontratadu.
Oscar de Araújo hatutan, asaun seluk ne’ebé reklamante ne’e hala’o hodi prega metin odamatan Eskola, tamba rai ne’ebé Ministériu Edukasaun hari EBC Boetua, núdar mós rai na’in, husi manorin na’in reklamante, maibé tinan barak servi volontáriu ba Governu, maibé nia naran nunka tama iha lista jornál repúblika.
“Relasiona ho naran ne’ebé públika iha Jornal da Repúblika ne’e iha profesora Anabele maka laiha naran, maibe profesora ne’e sedauk mai hatama reklamante nia taka tia ona odamatan sala eskola nian, ho problema ne’e hau bolu ona Diretór Eskola Boetua no Inspetór Hato-builico atu sira nain rua halo aprosimasaun ba profesora volutária ne’e, hodi husu klean tanba saida prega metin tia sala aprendesazem ne’e,” Diretúr Edukasaun Munisípiu Ainaro, Oscar de Araújo, hateten
Asaun reklamante perega metin EBC Boetua besik ona semana rua, hahú iha tersa loron 14 fulan fevereiru too sesta feira ne’e, maibé Diretúr Edukasaun Munisípiu Ainaro ne’e, hateten, reklamante ne’e mai hato’o ona nia karta ba iha Edukasaun Munisípiu Ainaro kona-bá razaun fundamentu prega odamatan eskola no rai ne’ebé oferese ba Ministériu Edukasaun harii Eskola refere, atu nune’e Edukasaun Munisípiu Ainaro bele submete karta reklamsaun ne’e kontinua ba Ministériu Edukasaun Nasionál atu konsidera.
Editór: Lian Orluli
