Ainaro Lian Orluli—Amu Vigário Episkopal Metropolitanu Dioseze Dili koopera hamutuk ho responsavel Comissao Juventude Catolika de Arquidioceze de Dili (CONJUCAD ) sai hanesan pastoral konjuntu hala’o Reunian iha Salaun Pre-Seminariu Salaun saun Luis Gonzaga paroquia Ainaro nian ba sarani katolika sira husi Paroquia 4, Ainaro, Hato-builico, Maubisse no Hatu-udo ho objektivu haklean sarani Ainaro nia fiar iha eukaritika no Ekologia.
Atividade Reuniaun ne’e prejide husi Amu vigariu Episkopal Dioseze Dili pe. Cirilo dos Santos hateten atividade Vigario neebe implementa iha Ainaro ne’e mai husi Kompetensia Vigariu Episkopal ho asuntu Pastoral, nia Objetivo atu hakle’an sarani sira nia fiar Eukaristia no Ekologia iha fiar kreda nian, iha paroquia Ainaro.
“Objetivo husi atividade reuniaun ne’e atu hakle’an Topiku Pastoral tinan 2023, Ser Humana Ecologico e Ser Homem Eukaristia, asuntu Pastoral koopera mos ho Vigariu Episkopal Asuntu Sosial nian hamutuk ho komitiva tomak no Ainaro rasik sai hanesan pakote ida halibur katekista sira hotu atu hatutan formasaun nee ba oin nune’e hakle’an liu tan sarani sira nia fiar hodi bele komprende oinsa bele sai ema eukaristiko no sai ema ekolojiku, presiza haklean sira nia fiar primeiru mak haree konaba eukaristia ne’ebe selebra iha domingu-domingu”. vigariu pe. Cirilo dos Santos hateten ( 04/03/2023)
Alemde nee Amu Vigario Cirilo mos hato’o mensajem prinsipal ba srani sira atu kria nafatin relasaun diak sai hanesan ema Eukaristia no Ekolojia
“Sai ema Eukaristiku no ema Ekolojiku ninia fundamentu maka kria relasaun diak ho maromak no kria relasaun diak ho Natureza no kria relasaun diak entre ema ho ema, nia fundamentu ida ne’e hadia uluk relasaun ho maromak atu kuida fali ekolojia ne’ebe iha mundo ita presiza pratika hotu-hotu tenki ho inisiativa iha kooperasaun sira entre Estadu ho igreja ba povu no sarani atu rai konsiensia hodi haree fila fali ita nia natureza hadia kuda fila fali ai-oan sira ne’e hanesan pratika sai hanesan ema ekolojia no liafuan importansia sai hanesan sarani ne’ebe diak keta hamatak ba sala maibe hamatak ba iha kreda nia fiar nafatin kria tempu no espasu hodi partisipa iha eukaristia mak bensa no grasa sei akontese beibeik ba ita”. Vigario Ceriliu hatutan
iha fatin hanesan parisipante sarani paroquia Ainaro Filomena de Jesus Alves no mos Jacob Tilman husi paroquia Maubisse sente haksolok partisipa iha reuniun ne’e tamba haklean tan sira nia fiar liuliu oinsa bele sai hanesan ema Eukaristia no ema Ekolojia ne’ebe diak
“Ami sente haksolok tebes husi saida mak ohin ami hetan hanesan sarani ne’ebe mai partisipa iha atividade reuniaun ho topiku Eukaristia no Ekolojia ne’e hanesan buat foun ida mai ami kolia kona ba oinsa sai nafatin ema diak iha eukaristia no ekolojia ne’e mak kria relasaun diak ho maromak, natureza no mos kria relasaun diak ba ema ho ema, hanesan sarani ita presiza partisipa nafatin iha atividade sira hanesan dadaun nee, atu formasaun ne’e bele klean no buras nafatin ba sarani katólika sira hotu ami rekomenda ba amu vigáriu ba formasaun ne’ebe ohin fahe ona labele to’o iha ne’e deit maibe husu atu kontinua beibeik nune’e fanu nafatin sarani hotu-hotu hanesan mos ami ba saida mak ami hetan ona ami mos tenki hatutan nafatin nune’e hodi haklean fiar sarani nian sai nudar ema diak iha eukaristia no sai ema diak iha ekolojia”. Hateten Jacob ba Lian Orluli
Entertantu iha atividade nee Lian Orluli nota katak Partisipante sarani husi paroqua Maubisse, Hato-bulico, Hato-udo, no Ainaro ho total partisipante hamotuk 131, no atividade reuniaun eukaritika no ekologia sei kontinua ba paroquia Manufahi no Covalima
Jornalista : Norvia/Uka silva
Editor : Lian Orluli
