Lian Orluli-23/03/2022- La esprea atu akontese desastre naturais ne’e, rai halai halo avo Domingus lakon nia kintal no Ai horis sira , tamba udan bo’ot durante oras rua nia laran.
Avo Domingos Almeida triste tamba nia Ai horis sira ne’ebe durante ne’e hodi sustes hela nia moris hetan Estragus husi rai halai.
“ hau hanesan povu ki’ik ida ne’ebe durante ne’e laran metin maka ami nia kintal sira ne’e, maibe agora hau nia Ai horis sira hanesan kafe no Au maka estragus ona. durante ne’e hau nia moris laran metin ba hau nia kintal no Ai horis sira ne’e maibe agora estragus tia maka barak ona”. Hato avo Domingus ba jornalista Lian Orluli iha nia kintal fatin.
Ho akontesementu ne’e avo Domingos hatutan “ hau la hatene atu husu apoiu ba guvervu sira ho oinsa, maibe ho espereansa bo’ot husi parte politika no parte guvernu bele tau matan hela ba ami tuir kapasidade”. Hatutan avo Domingus ho laran triste.
Rai ne’ebe maka halai no monu hotu ba avonia tos laran hanehan hotu kafe no ai horis sira ne’ebe maka durante ne’e avo Domingus uja hodi sustenta nia moris.
Editor : lian Orluli
