Lian Orluli – Food and Agrikulture Organization (FAO) hamutuk ho Ministériu Agrikultura no peskas (MAP) fasilita formasaun ba Tékniku Estensionista sira kona-ba Monitoring and Evalution System (MES) no Dijital ba iha Munisípiu Ainaro oinsà atu aplika iha Futuru.
Ofisial Monitoring and Evalution System, Sabino dos Reis, informa, formasaun ne’e hala’o hodi halo monitoring ka avalisaun hanesan maneira ida, atu tékniku Estensionista Sira bele komprende definisaun indikadór sistema nia lala’ok hodi implementa ho fasil kona-ba oinsà haruka relatóriu liuhusi Dijital ka Telefone bainhira iha tereinu.
Ofisial Monitoring and Evalution System, Sabino dos Reis
“Husi formasaun ida ne’e atu hasa’e konesimentu ba tékniku estensionista sira liuhusi Sistema monitoring no avaliasaun hodi komprende definisaun indikadór ho Sistema nia lala’ok atu implementa ho fasil liu bainhira ba foti dadus importante sira iha baze,” Savino informa ba jornalista Orluli iha Ainaro, Kinta (27/04).
Tuir Savino, FAO hanesan implementadór ba Sistema ne’e no hetan finanseiru husi Banku Mundial projetu SAPIP ne’ebé mak iha MAP nia okos, hafoin FAO implementa ba Sistema Monitoring and Evalution System no TOP.
“Food and agriculture Organization FAO hanesan implementadór ba Sistema Monitoring and evaluation System ne’e, hetan apoiu finanseiru husi Banku Mundial Projetu SAPIP ne’ebé mak iha Ministériu Agrikultura no Peskas nia okos Training Of training TOT ne’e hala’o iha Dili no Sistema indikadór ne’e hala’o ba Tékniku estensionista sira iha munisípiu atu nune’e sira bele halo relatóriu ho fasil bainhira iha terenu,” nia hateten.
Iha fatin hanesan, Diretór estensionista Munisípiu Ainaro, Sancho Fernando Magalhães, hatete nia parte partisipa iha formasaun ne’e hodi aumenta konesimentu bainhira foti relatóriu uza dijital ou telemovel iha terenu.
Diretór estensionista Munisípiu Ainaro, Sancho Fernando Magalhães
“Formasun ne’e ami liga liu ba iha oinsà atu halo relatóriu uza dijital ou telemovel bainhira iha terenu, tanba tinan liu ba kotuk sempre hasoru difikuldade, tanba relatóriu tenke uza manual no ita uza manual fó impaktu maka’as, tanba surat tahan udan kuandu kona dodook hotu, enkuantu uza dijital di’ak tanba ita iha terenu foti hotu dadus haruka direta ba iha nasionàl,” Sancho hateten.
Enkuantu, atividade ne’e hala’o tanba hetan apoiu finanseiru husi Banku Mundial projetu SAPIP nian no hetan partisipasaun màsimu husi tékniku Estensionista hosi Postu Maubisse, Postu Hato-udo, Hato-bulco inklui Ainaro, atividade ne’e halo perante loron rua iha salaun Postu Adminisrativu Ainaro, Ainaro vila.
Editór : Lian Orluli
