Lian Orluli — Selebrasaun loron restaurausaun independensia 20 Maiu tinan 2023, iha munisípiu Ainaro sei konsentra de’it iha Administrasaun Munisípal Ainaro, ba postu sei la selebra.
Sekretária Munisipiu Ainaro Rosa Olga Mendonsa informa kada tinan Estadu Timor-leste selebra loron restaurausaun independensia 20 maiu, ho seremonia isaar bandeira ne’ebé organiza husi autoridade Munisípal no seguransa no hetan partisipasaun husi komunidade tomak, no iha postu mos selebra seremonial isar da bandeira, tinan ida ne’e konsentra deit iha resintus Administrasaun Munisipal
“Selebrasaun 20 maiu tinan ne’e sei la hala’o iha Postu Hato-udo, Maubessi, inklui Hatobuilico, aktvidade isaar bandeira sei hala’o de’it iha administrasaun munisípal Ainaro, durante oras ida, hafoin remata kontinua ho seremonia transportasaun matérial sensetivu no non sentiviu ba sentru votasaun no estasaun votu,” Sekretária munisipiu Ainaro Rosa Olga Mendonsa, ba Lian Orluli Hafoin asina kontratu ho Gurpu ne’ebé hetan apoiu husi SEPFOPE iha Postu Administrativu Munisipiu Ainaro.tersa(16/05/2023)
Alende ne’e, sekretária munisípal ne’e, apela ba komunidade Munisípiu Ainaro atu kontribui ba Paz estabilidade durante loron eleisaun ne’ebé sei akontese iha 21 maiu tinan 2023
“Husu ba komunidade tomak iha Munisipiu Ainaro, atu bele kontribu paz no estabilidade iha ita nia rai, banihira patisipa iha eleisaun” sekretaria Munisipiu ne’e apela
Enkuantu totál sentru votasaun iha Munisípiu Ainaro hamutuk sia nulu no estasaun votu hamutuk atus sanulu resin lima, ho total eleitor 47912.
Editór: Lian Orluli
