Lian Orluli — Diretúr servisu Obras Públika munisípiu Ainaro,
hateten, kompañia Sunrise Unipesoal Limitada ne’ebé hala’o konsórsiu ho kompañia Nesto Dasil Unipesoal Limitada, hodi hala’o manutensaun ba estrada iha munisípiu Ainaro, inklui loke estrada alternativa ba suku Suru-Craik, ho montante orsamentu $7000 mill, ho durasaun kontratu hahú iha meadu tinan 2023 to’o tinan 2025.
João Henrique de Araújo,Diretur SMOPT-Ainaro
“ Liu husi manutensaun konservasaun vias rodas viariu atividade roul rutin mente nia pakote ba munisipiu 12 inklui mos ita Munisipiu Ainaro, empreja ne’ebé maka manan nain maka Empreja Sunrice JV-Nesto Dasil nia montante osamnetu $700 mill, durasaun tempu kontratu tinan rua 2023-2025,” Diretúr Servisu Obras Públika Ainaro, João Henrique de Áraújo hateten iha ambitu lansamentu loke estrada suku Soro liga ba suku Suro-Craik. kuarta (19/07/2023)
Iha Fatin hanesan Administador munisípiu Ainaro, Leovigildo Amaral Pereira hateten, Nia parte Orguilho tebes tanba Governu loke ona estrada alternativa husi Aldeia Gerudu ba Suku Suru kraik, tanba Programa ne’e enisia husi planu hahu simu kargu hanesan Administrador Munisipiu Ainaro
Administador munisípiu Ainaro, Leovigildo Amaral Pereira
“Orguilho tebes, planu loke estrda ne’e, hau hanoin kleur ona, wainhira hau simu posse hanesan Administrador, dalan ne’ebé maka atu loke primeiru maka fatin ne’e duni, segundu iha parte Leig nian, atu nune’e komunidade sira labele liu husi mota laran,”Administador munisípiu Ainaro, Leovigildo Amaral Pereira.
Autoridade Munisipiu ne’e hatutan “Alende loke estrada alternativa husi Suku Soro liga ba suku Suro-Craik iha mos plau kuntinua loke estrada husi parte Leig nian, ba komunidade Sira atu labele liu husi mota laran”. Administrador Munisipiu hakotu
Editor : Lian Orluli
