Lian Orluli – Governu Konstitusionál da-sia halo ona pagamento ba Idozos hamutuk 5465 (rihun lima atus haat, neennolu resin lima) ho valor tótal orsamentu US $ 1, 870,734.00 kompostu husi Posto- Administrátivu ha’at iha Munisípiu Ainaro.
Ba Lian Orluli Koordenadór regiónal INSS, Antonio Pereira Araújo, relata katak dadus Idozos Munisípio Ainaro ho valor totál orsamentu $ 1,870,734.00 ba Idozos hamutuk ema nain 5465.
Koordenadór regiónal INSS, Antonio Pereira Araújo
“Iha munisípiu Ainaro, benefisiário Idozos Validu (veliche) 5129, ho osamentu $ 1.756.221.00. ba ema ne’ebe mak invalidu (invalidez) ho tótal ema 336, ho orsamentu $ 114.513.00 ’’. Hateten Cooredenador regionál iha nia kna’ar fatin, Segunda-feira, (21/08/2023)
Nia detailu liu tan katak “Iha Posto administrativo Ainaro hamutuk 1511 ho tótal orsamentu $ 518.115.00, Hato-Udo, Idozos hamotuk 1125 ho total Orsamento $ 385.413.00, Hato-Builico Idozos hamutuk 1005 ho orsamentu $ 343.653.00 inklui mos Maubisse ho ema 1824 ho total osamentu $ 623.553.00”.nia hatutan tan
Entertanto Pagamentu ba Idozos sira ne’e halo kedas iha Suku ida-idak no iha Ainaro iha Suku 21, Posto Administrativo Ainaro , Hato-udo, Maubisse no Hato-Builico.
Objetivu prinsipál husi pagamentu subsidiu ba kada Idozos ho montante valor US$ 50.00/fulan ne’e nu’udár parte ida atu fó valor ba ferik no katuas sira ho idade 60 ba leten ne’ebé laiha ona kbiit ekonomiku atu goja osan refere no pensaun ne’e nudar parte ida husi Idozos sira nia Direitu ne’ebé hakerek ona iha Konstituisaun RDTL nian.
Editor : Lian Orluli
