lian orluli -29/03/2022- inan faluk kbi’it laek balu la hetan uma UKL, tuir dadus avaliasaun husi PNDS inan faluk kbi’it laek ne’e hetan primeiru lugar iha programa kbi’it laek nian, maibe to konstruksaun la hetan tamba laiha rai.
Ba jornalista media online lian orluli Administrador Munisipiu Ainaro, Leovezildo Amaral Pereira hateten: ladun satisfaz ho kauja ne’ebe akontese, wanhira iha problema hanesan ne’e xefe do suku no xefe Aldei bele foti medidas ruma ba inan faluk kbi’it laek sira.
“Hau hare kauja ne’e ladun satisfaz ba hau, tuir hau nia hanoin, xefe do suku sira bele foti medidas ruma, oferese hela rai rohan ida fo ba inan faluk ne’e, maibe’e hau mos la hatene ho motivu saida maka foti fali inan ne’e nia jata fo ba ema seluk”. Dehan Administrado Munisipiu Ainaro Leovezildo
Nia mos hatutan, tuir hare inan faluk ne’e hakarak duni atu hetan uma UKL ne’e maibe’e tamba laiha rai inan faluk ne’e mos lakon nia direitu, konsidera lideransa sira halo deskriminasaun ba ina faluk kbi’it laek sira.
“Ita hare inan faluk ne’e hakarak tebes uma UKL, tuir lolos ita sira hanesan lideransa komunitariu sira tenke buka meius ida faselita hela rai rohan ida ba inan faluk ne’e atu nune’e inan ne’e bele hetan netik uma programa PNDS nian UKL ne’e, se ita labele halo ona Tuir hau nia hare ne’e hanesan lideransa sira halo diskriminasaun ba ita komunidade liu-liu ba inan faluk kbi’it laek sira”.hatutan Administrador Munisipio ne’e
Ho Administrador Munisipio nia lamentasaun, maka Direktur PNDS Filemono xavis Pinto, hatan ba kestaun ne’e, Inan faluk ne’e la hetan Programa UKL nian tamba rajaun laiha rai.
“ Problema akontese iha suku Ainaro Aldeia Sabagu, inan faluk ne’ebe maka hasoru problema ,Alda xavier kauja tamba rai laiha , hau rasik maka ba halo verifikasaun hamotuk ho ekipa sefe suku no sefe Aldeia, PNDS nia kriterius lubuk ida maka ita presija provas, maka kriteriu primeiru tenki iha rai, maibe ina faluk ne’e laiha rai tamba ne’e hodi akontese problema husi inan ne’e nia oan mane ho ra nai, ho akontesementu ne’e ekipa verifikasaun husi PNDS ho Autoridades sira foti desijaun hodi entrega fali ba inan faluk kbi’it laek seluk”. Hatutan Filomenu ba Jornalista lian orluli Iha nia fatin
Administrador mos salenta tan, sei esforsu buka meius atu bele ajuda inan faluk ne’ebe lakon nia direitu ne’e atu nune’e bele hetan ajuda husi fatin seluk.
Editor : lian orluli
